Tengah hari tu tadi kami menyanak bisi raun ngagai Monarch Butterfly Grove ba Pismo Beach. Ngelama tu aku enda nemu bisi alai kesulai tu belindung maya musim chelap ba Pismo Beach.
Rindu amat ga meda kesulai ngemayuh nya ba siti tempat. Aku endang nganti sida kesulai inggap ba dan baruh agi tang nadai siku ga inggap semak aku. Tinggi atas pun eucalyptus enggau pun pine din alai sida.
Taman kesulai tu sama alai orang tau camping. Mayuh endar orang camping dia, camping dalam RV/caravan/motor home. Nyamai amat camping bakanya! Asaika bedango! Naka berapa iku aja orang ka bisi masang tent peda aku.
Taja hari bisi angin minit tang asaika ukai musim chelap. Sekeda orang bejalai ngena tanchut puntung! Kami menyanak mina ngena baju lengan panjai - sida baju chelap tinggal dalam kerita.
Udah puas bepusin meda sida kesulai kami alu bejalai ngagai tebing tasik. Apu, amat nyamai hari sahari tu, bakaka ukai musim chelap! Patut rami orang camping ujung minggu tu!
Naka tu aja cherita ujung minggu sekali tu!
selamat beberkat Taun Baru Puteri... ngarap ke kita menyanak gerai belama enggau bulih rezeki berlimpah ruah... badas amat gambar ke dambi nuan nya...rindu amai meda...
ReplyDeletewhoa.... enti Gabby meda kesulai nya sigi luput ya... I dunno lah my girl takut gila ke kesulai. Udah sekali nyo ka nyerauh iya ba gerija hahahaha.. bisi kesulai tama. udahlah duduk ba pew depan, nyo asai ka carik baju aku ditarit iya.
ReplyDeletenice post.
ReplyDeleteput my rivendellious banner here and u'll get listed!
Blessings for the new year ngagai nuan mega Mel!
ReplyDeleteAieeee, takut ka butterflies, Gabby, pia?! Heheh, Denice ka buyan, ok iya that day laban nadai terbai semak sida butterflies.
Exchange link aja enda chukup kah Robb?!