Gaga amat bala anak meda buah semangka udah mansau alu tau diambi sahari tu! Tiga igi buah semangka ke udah mansau; nya meh Daddy madah ke Denice iya enda tau enda makai buah semangka nya ninting hari! Enggai ke tebasau enti enda diempa!
Sida buah pear enggau epul endang utai tanam lama. Buah pear ke kuning bulat, alu enda mayuh ti tau diempau. Pear ka sebengkah nya baru enda empa ulat. Buah cantaloupe ga sebengkah diempa indu utai ... begedi endar meda nyu buruk magang magang cantaloupe diempa indu utai! Lebu amat nanam iya taun tu!
Sida entimun ditanam enda alah diempa. Nyu diberi Doug ke bala ti enggau iya gawa. Tomato galak nya ga, nyu rebah dan laban buah ngemayuh nya. Dawai ti kena ngetan pun tomato alu enda enda dibeli maya ke baru nanam iya suba!
Bendar ngabis entekai tu ila! Galak amat! Sepun ari entekai tu bansa ke manis - leka endang dibai aku ari Miri. Enda aku ngadang buah nya besai amat! Besai agi ari buah bul! Aku meda kantuk entekai nyu geram diri ga meda ... ka diulih ke lauk! Berapa kali aku udah ngambi kantuk iya. Meda buah udah mayuh amat, bisi ati aku ngambi siti ke puda, gulai enggau kantuk iya. Nyamai iya ke puda digulai enggau kantuk ku pangan aku siku ti berasal ari Kuching. Enda ibuh dipunsi kulit buah entekai puda nya ku iya.
Ila meh aku nguji!
Amat nyamai entekai muda gulai enggau kantuk ia... :-) rindu amat meda sida apple enggau pear nya galak amat. Manah amat tanah dia endur betanam...
ReplyDeleteTanah kebun tu suba, Chris. Bisi ga senentang enda manah, enggai nyadi pun buah dia, engka maya orang ngaga rumah tu suba bisi utai ditinggal ti ngasuh tanah nya enggai alai utai tumbuh.
ReplyDelete