Sekali tu aku mina ka mantai ka sekeda gambar diambi aku maya kami ka ngagai sida entua aku apin lama tu tadi. Ka bala kita ka apin kala nemuai ka menoa kami ba California ditu tentu mayoh kita enda nemu menoa kami ditu tebal agi rangkai, nadai entu pun kayu asal enti enda ditanam mensia. Taja pia, tempat ka rangkai nya enti bisi ai lalu alai nya digaga ladang tauka alai betanam ka utai endang manah endar dipeda. Galak endar ga utai ditanam dia laban bisi ai dikena ngidup ka utai ditanam.
Kami nengah jalai bebukit (gambar atas), jalai nya mit lalu enggai enda bejimat maya nengah nya. Taja gamal bukit nya kuning enggau rangkai iya gadong serta manah dipeda maya musim chelap laban ujan bisi turun maya nya. Ba tempat bukai enti ukai desert maya musim chelap sida rumput mati laban chelap tang ba California rumput tumbuh!Tang ba bukit tinggi din, bisi ujan, bisi salju, din gadong agi utai dipeda, galak agi utai tumbuh. Ba Yosemite National Park, ba Lake Tahoe, endang atas bukit tinggi din, manah amat pun kayu dipeda. Besai besai pun kayu din, alah pun kayu kitai di Malaysia.
Belah jalai ka ditengah kami maya ka ngagai sida entua aku endang rangkai magang, semadi meh nya ladang buah, ladang kapas, ladang anggur ... besai besai ladang nya, nyau rapas mata meda.
Tu siti ari winery (kebun/kilang anggur). Wine ari California sigi tebilang endar ba menoa kami ditu.
Diatu musin tomato, berapa buah enda trak ngangkut tomato dipansa kami.
Tu gamal bukit ba tanah sida entua aku. Nadai entu utai tumbuh dia. Sida entua aku enda diau ba tanah tu. Nadai nanam utai mega, mina bisi sida chapi, nya pen ukai enggi sida.
Tu gamal backyard sida entua aku. Sigi manah amat. Angan angan aku bisi backyard baka tu! Heheh, nadai duit kena ngaga iya manah baka tu! Endor rumah sida entua aku atas bukit mit (bluff) lalu view iya manah amat. Ba valley dibaroh din endang kebun - kebun sayur, kebun strawberry, kebun bunga. Rindu amat meda, tang ni enda pengelama iya kebun nya abis alu tanah nya dijual kena alai ngaga rumah? Sinu ngenang nya. Mina meda perabong rumah orang meh nya ila.Naka tu aja sekali tu aku mai kita raun meda menoa kami ditu. Ila raun baru!
apa boleh buat ko org,kena ngemaju ke menua..baka nyak meh ba sarawak ditu.Makin mayuh rumah digaga kena bala kitai laban population kitai makin bertambah...
ReplyDeleteAu, amat ko Pat baka menua asal kami nyau kuning ai baka ai milo laban betebang ke kayu dulu din.Diatu majak nadai kayu,laban nebang mayuh agik ari ke betanam.Rindu macha blog nuan wai,mayu amai idea.
ReplyDeleteputeri, nya la rega kemajuan. ukai setakat pun kayu makin kurang, kitai mpu pengerai pan enda entu berapa meh diatu laban dunya nyau enda stabil. tapi puteri amat cantik backyard entua nuan. macam dalam film plak. hehe..
ReplyDeletePuteri,
ReplyDeleteAgi bercerita ka pasal cuaca kami ka chelap ditu maya summer. Nuan ka nanya pasal global warming, diatu baru bisi peda. Diatu autumn tang banding enggau taun ka udah, bisi angat mimit. Taun dudi tu tadi aku nadai meda mata panas maya bulan 10, nya la aku depressed aja. Tang diatu udah tengah bulan 10 tang mata panas pansut belama. Nadai entu angat baka endor buka, semampai 10degree (pagi) enggau 15degree(tengahari). Better than nothing!
Aku selalu meh abis modal. Nya meh kadang-kadang engkah gambar aja.. Hehe.
Pat, kitai di Malaysia abis pun kayu ditebang laban kena ngaga pasar ngaga rumah .. ditu abis kebun/ladang kena ngaga rumah enggau pasar. Endor rumah kami diatu endang farmland meh suba.
ReplyDeleteSigi amat laban pemansang tanah abis diambi, sungai nyau enda beresi agi .. tang apa boleh buat enggai nyadi ga kitai enda enggau orang mansang, enggai nyadi ga kitai agi diau ba babas, ba utan, kitai sama meh ka ngasai serta nyepi ka penyamai orang ke lebih mansang ari kitai.
A necessary evil, enda pia?
Mansa-aja, tau nuan ngena idea ari blog aku ditu kena nuan nulis utai ba blog nuan! :-)
ReplyDeleteNya ka ngasoh aku sinu, sida ai sungai nyau kamah laban tanah tusur .. kati ko sida ka ngemansang ka menoa enda berunding ka pengerusak baka tu leboh sida ngerja ka pengawa sida?
Ngemerat ka untung lebih agi ari ngetan ka pemanah menoa (environment) kini?
Green, sigi amat, kitai ka mansang endang bisi utai bukai nyadi mangsa .. kayu abis tebang, ai nyau kamah ..
ReplyDeleteSigi amat manah backyard entua aku .. tiga taun iya ngadu nya .. besai belanja!
Flo, autumn kita warmer ari usual pia? Enggi kami taun tu tumu autumn start ... the last few years laun ujan tang taun tu tumu ujan start. But being California we still get some really pleasant days.
ReplyDeleteAmat depressing enti enda mata panas neh ... kitai ka ari menoa ka angat!
Ngisi gambar pama meh ari nadai nulis apa apa ba blog! Heheh.
Apuu amat manah yard entua nuan nyak Doris..arap ke ila ulih nemuai ngagai kitak di Galt..ila aku ngasuh Blaine plan dulu
ReplyDeleteThis comment has been removed by the author.
ReplyDeleteAu, Debbie, any time tau visit. Rumah aku sentiasa open house. Aku udah madah ka Blaine, save duit, awak ka ulih kitu. Sida parents iya bisi interested ka kitu. Enti bala kita kitu, ila mai raun nemuai ngagai menoa sida entua aku .. bisi attractions bukai enda jauh ari endor sida diau.
ReplyDeleteApu amat manah menua mentua nuan nya Puteri, ila nuan ngaga lain agi,
ReplyDeleteSida entua aku mampu ngaga nya manah, ni front yard iya agi. Iya bisi gardener datai berapa kali seminggu maintain yard iya ka iya.
ReplyDeleteEnggi kami rumput deh nadai! Heheh. Mina sida lalang aja bisi!
Hi Hello, nama brita. Autumn here in Salt lake tumu meh taun tu. udah bisi snow kami ditu. These couple of days has been below zero. I love it though. Anyway, lama enda becerita enggau nuan. ngarap ka mujur kitak sebilik. take care
ReplyDeletemag
Busy nuan, Mag? Amat lama tuo enda becherita. Bisi aku meda ba weather report pasal snow ba Salt Lake City. :-) Bisi hari telipon lah kitu.
ReplyDelete