Kemari bendar aku betebah ka sida lagu lama .. Michael Jemat, Alley Cats, Carefree, Broery ... lagu ti suah di dinga maya ti agi sekula ba kolej kelia. Laban ti baru nemu begaga ka audio CD ari lagu MP3 tauka RAM, nya ti bisi betebah ka lagu lama ba CD player. Amat tau ngasoh sinu ati ngenang maya ti agi biak suba .. maya ti bedau entu bisi mayoh tanggunjawab. Kebuah sinu laban enda ulih pulai biak baru tauka ngagai maya nya agi.
Enda lah aku madah enti ulih aku ka musin jam alu pulai ngagai maya nya baru! Heheh. Mina rindu ngenang pemeli diri maya nya suba. Au ah, asai ka nemu amat pasal pengidup maya nya suba. Nya aku iran, kati ko sekeda bala classmates tumu endar belaki! Asai ka bedau chukop tuai, bedau chukop nemu pasal dunya, tang udah belaki beranak. Mayoh sida ti rebak aku, besai tuai anak bala sida, sekeda nyu udah beruchu.
Nadai jako bukai, mina rindu serta sinu ngenang maya agi biak suba.
Enti bisi peluang, aku ka pulai ngagai maia aku pom 4 laban maia nya suba kelalu amat bemain...
ReplyDeleteBala nembiak kitai nadai runding panjai... baru pom 2 udah badu sekula ka belaki... faktor keluarga ga Puteri... kadang2 nadai duit kena melanja sida ia sekula. Diau ba rumah nadai pengawa.. belaki aja meh.