Kati baka hari di Malaysia din? Agi angat? Enggi kami ditu pan angat. Tu meh gamal pengangat hari kami dalam dua tiga hari tu. Aku bekurung dalam rumah, anak kiak kiak ka pansut ka bemain ai. Aku madah nganti nyu udah lemai mimit lagi lebuh mata panas kurang agi manchar.
Aku mina pansut enda lama pagi tadi, ngambi gambar Doug saduai Cory ngerepair kerita.
Tu meh chara kitai ngadu kerita enti kitai nadai workshop menyana alai ngerepair kerita. Rantai, pun kayu, tukul enggau trak meh dikena narit enggau mangkung utai ka keremping enggau bingkok. Ko Doug, kapa masau $1200 ngasuh workshop ngadu utai ka kerimping enggau bingkok nya? Apin agi rega spare parts dikira!
Ari ujung minggu nyin tadi saduai betarit ka senentang kerita ka kerimping. Ko Doug, diatu udah tau dipasang magang perengka ka dibuka iya ari mua kerita aku nya. Ungkus spare parts (ari kerita terpakai) mina ga $230. Enti meli spare parts baru, alu champur ungkus ngaji orang ngadu kerita nya kada enda setengah rega aku ka meli kerita nya suba! Kerita nya endang kerita terpakai maya ka meli nya suba. Enti ka meli kerita sama model enggau sama taun enggi aku nya, mina ga $1000 aja rega iya. Kapa masau duit! Ah, nya penemu laki aku, Scottish to the bone!
Pama meh Doug nemu nyadi mekanik kediri ngadu ke kereta, nya meh ba menua sida dia maioh amat kereban mekanik enti nadai nge diri empu ulih sewa perengka kena ngadu kereta, enti ba menua kitai nadai jalai ngadu kedirik kereta keremping alah enda alah anjung ngagai workshop. Nyu tukang magang sida ke lelaki.
ReplyDeleteNi ka ulih adu iya empu, adu. Lebih agi ari nya, enda lah nemu. Van iya nemu enggai start dianjong iya ngagai mekanik tu tadi.
ReplyDeleteManah baka apai tuai nuan tu wai, enti diri empu ulih ngadu manah agi. Berapa duit meri ngagai tukei mikinik enti danjung ke kedai. Kekadang enda ga entu begeni utai ke dadu sida tang caj ya ukai main agi mar..
ReplyDeleteLaban kerimping enggau senentang ka bingkok agi ulih dadu diri empu, alu ukai ba senentang ti ayan ari luar, nya ngadu kediri empu. Nyu ka $1200 ungkus ngasuh ka bingkok nya straight ba workshop, nya iya alu enggai meda nya kelalu mar.
ReplyDeleteAsal agi ulih diadu kediri empu kapa nya enda adu diri empu.