Cory enggai enda meli jagung, avocado enggau ice cream ninga kami nya ngatur bbq. Iya tukang tunu, sekali tu ngena bbq set iya ka mit. Kiruh masang grill besai ku iya.Kasih tudah Cory, nyu sirut sirut lebuh kami ka mangkil sida jagung enggau makai hot dog. "Iya renga nuan?" ko aku nanya iya.
"Nadai ah", ko iya ga. Iya ke bendar iya sinu ati ngenang bini iya laban tu keterubah iya nyambut Memorial Day nadai begulai enggau bini iya. Sinu ga aku ninga.
"Kami bisi deh," ko aku ga. Ni nya ka sama, neh! Kasih tudah.
Denice sigi dulu reserve kerusi ngimbai iya ka Daddy enggau Cory. Aku tu sigi enda laku, endang enggai orang dudok berimbai enggau aku, lebih agi ba restoran. Nyu belaya dulu, baru bala ka dudok ngimbai aku!
Aku tu jarang pansut ba gambar laban selalu nyadi tukang gambar. Sekali tu aku sengaja minta ambi gambar enggau Duncan laban Duncan madah bup (memory book) ka digaga iya maya sida graduate ari kindergarten tu lagi pasal iya enggau Mommy iya. Enggi Denice pasal iya enggau Daddy iya alu iya endang mayuh udah gambar enggau Daddy iya.Lebuh kami ka rindang makai hot dog enggau jagung, kami sigi ingat kebuah sahari tu orang diau. Siti ari jaku ka selalu disebut lebuhka ngingat sida ka udah ngelengkaka nyawa diri ngetan menua iya nya, "Freedom is not free."
Sigi amat, "Freedom is not free."
Cute amat duncan.. uji tundi nggau ya.. enti ya dah bujang ka ke enda begambar nggau mommy? hahaha
ReplyDelete:) Belaya dulu baru ka duduk berimbai. Haha. Udah sida besai ila baru sida nyepi. Nyabak ka duduk berimbai. :P
ReplyDeleteI've seen this ! hahaha nyelai endar , bala anak mit, ma sendi apai sida iya enda tentu berulah, tang ma duduk berimbai enggau kitai, akaidaiii...ingat maya Lydia agi mit kelia? Nyu becubit cubit kami duai, kitai ke makai ba restoran di Paris. aku enda tan meda 'utai' tak kasak2 enda nemu jenuh, taja pan nya anak mit ! Diatu, nyu dicungkil ga burit baru ka mindah !!!
ReplyDeletePat, iya mommy's boy tang ma daddy bisi dirumah endang daddy ga dikangau. Denice enda kira, daddy nya endang enggi iya ... berebut rebut meh saduai.
ReplyDeleteFlo, arap ka bakanya meh. Ngemit iya nya, nemu endar udah ka ngelaban kitai ... udah kena punish lagi rauh rauh lari nyabak, sinu ga aku meda .. heheh.
Haha, ingat aku Lydia agi mit suba .. suah ka lari ari kitai, enggai jenuh! Dichungkil burit baru angkat diatu, pia? Sigi baka, anak aku selective hearing, nemu endar ... ngaga diri enda ninga ma kitai udah ngelara tauka ngangau.