Main Ai

Hari agi angat ba menua kami ditu alu sahari tu lebih angat ari kemari. Taja jam udah pukul lima suku lemai (maya ka nulis blog post tu!) pengangat ba luar kira ka 39 darjah celcius. Anang ngumbai aku ka pansut ma hari udah ngangat tu! Bala anak ituk minta bai ka Strawberry Festival laban lebuh ka mansang enggau pulai ari gereja pagi tadi bepansa endur pesta strawberi ka diatur.

Hari bakaka nemu, ma pesta strawberi hari alu angat ari ka udah. Baka ka nulung ngelaku ka sida strawberry shake ka bisi dijual ba pesta strawberi tu!

Tu gamal sida tiga mapai, berendam kaki dalam bisin lemai kemari. Aku mina ngasuh Duncan saduai Denice bemain ba lindung laban hari benung bemadu angat maya sida ka bemain ai nya kemari.

Naka pengaga saduai begagaika gelembung sabun. Kami endang bisi misin (battery operated) kena main ai sabun nya.

Aku madahka saduai, ila ma ngetu ba Walmart meli kolam ka besai agi kena saduai berendam. Endang bisi kolam plastik ka besai agi tang laban bisi bumbus mimit nya kebuah enggai mantai.

Kati baka hari ba endur kita din? Bisi ngangat baka enggi kami ditu?