Tu gamal pemakai Doug sahari tu. Pagila iya bisi peresa lutur dikumbai sigmoidoscopy. Dua puluh empat jam sebedau peresa tu, iya enda tau makai pemakai ka kering, enda tau makai ubat baka panadol, enda tau makai vitamin alu enda mega tau makai utai ti bisi dichelup mirah.
Nadai ko enggau, mina utai berai aja ti dikemendar. Pukul sembilan pagi tadi iya makai tiga leka ubat dikumbai Dulcolax (Bisacodyl). Enam jam udah nya iya ngirup 10 oz Magnesium Citrate. Kira ka setengah jam udah nya, er, beranda ka jamban!
Dalam dau jam setengah iya udah nganjung diri ka jamban tujuh kali! Apin tembu pengawa ngasuh perut kusong nya!Pukul satu ngalih hari tadi kami duai bisi interbiew enggau tuai pengajar ba sekula endur kami ka nganjung Denice saduai Duncan bulan sembilan tu ila. Nasib ga maya nya apin maya Doug ngirup Magnesium Citrate. Enti enda enggai enda dikinsil interbiew nya laban iya enda tau jauh ari jamban!
Ba menua kami ditu enti orang lelaki udah manggai umur 50 taun, endang maya iya sida diasuh ngambi peresa sigmoidoscopy. Peresa tu kena lutur meresa ujung perut besai (sigmoid colon) alai sida merati sekalika bisi tumbuh utai (polyps, tumors, hemorrhoids) ti tau ngujungka kanser.
Sahari hari tu enggau pagila, Doug enda tau makai pemakai kering. Udah abis peresa sigmoidoscopy nya baru tau makai. Makai sup kusung, enggau ngirup juice, ai manis, teh enggau kupi, aja dikemendar. Ko lutur, ma perut enda kusong, peresa enda ulih dipejalai.
Jamban nyadi pangan iya lemai tu dataika pagi pagila!
Kati ke baka ke besemaya kitai ney? Kerita sama kemping, laki under medical observations. Pama ga enggi Doug reti ke check up....nya meh, this is how our 'spirits' are tested. Enggau jalai sembiang meh 'ngelaban' cobaan nya....God Bless Always! :-)
ReplyDeleteCheck up meh nya, laban endang udah maya iya. Aku udah enggau orang check up baka nya! Preparation nya pedis - 3 hari enda tau makai solids!
ReplyDeleteBesampi ka Nicolas jampat gerai, bala lutur diiring Tuhan awak ka bulih penemu/diagnosis/treatment ka betul.
Bah...intu memanah ke meh bala pangan.Ukai semina org ke be-umur aja,ma udah maya perut muat/meragam(food poisoning) sigi agu nya nyadi ka kaban rapat.
ReplyDeleteArapka jampat baik meh...