Prujik thrift store tu dipejadi ka sida entua aku laban urang ka nyewa kedai nya suba (catholic charity) enggai agi nyambung kuntrik sewa kedai nya meda sewa ka ditiki sida entua aku. Kedai nya endang di-empu entua laki aku enggau 2 iko menyadi iya. Meda kedai nya kusong sida entua aku alu ngasuh gereja sida muka thrift store ba endur nya alu saduai meh diasuh gereja sida ngepun ka prujik nya.
Umbas iya penyampau urang ka shopping dia maya kami ka dia. Manah endar ga kedai nya diadu entua indu aku laban ka bisi experience bejual ka utai. Mayuh endar utai ka udah dikena (donations) diberi urang ngagai kedai nya. Nyu enda alah agi, nyema ka jaku. Ngam ngam maya sida numbuh prujik sida nya suba, bisi siti chain store tutup bisnis. Dia meh alai sida meli perengka dikena ngantung sida gari enggau sida shelves.Urung tengah hari kami menyanak alu ngiga alai makai. Badu makai kami nikal ngagai thrift store laban bisi mai asi tapau ka saduai, alu endang sengaja ka ninggal kerita ba endor parking dia.
Kami alu bejalai meda pasar ba Higuera Street. Semak thrift store nya bisi tempat siti dikumbai The Creamery. Dulu suba tempat nya endang alai urang begaga ka pemakai ari tusu. Leboh ka mansa endur nya kami ngetu ba siti kedai nyual table napkin laban tak rami gamal urang dalam kedai nya. Paduhal bisi mini fair dia alai urang bejual ka sabun, bejual ka hand-made jewelry, paintings etc. Sempat mega nyepi utai pakai digaga siku ari urang ka bisi promote bisnis iya dia.
Duncan sigi enda pedis bepangan enggau barangsapa ditemu iya (gambar atas kiba). Meda sekeda indu bemain ba luar kedai iya alu enggau urang. "What's your name?", endang nya utai ditanya ma betemu enggau urang.Udah nya kami alu meraka San Luis Obispo creek (atas kanan) meda tak begau urang ba sebarai sungai mit nya. Paduhal bisi pesta skateboarding. Endang siti jalai ditutup dia alai urang bemain skateboard.
Berimbai enggau urang ka pesta skateboard nya San Luis Obispo Mission. Mission nya digaga dalam taun 1774. Lebuh kami ka dia, bisi rombongan urang kawin pansut ari mission alu begambar ba luar mission nya (atas kanan). Sempat ngambar urang kawin, ari jauh lah ... ni alah masuk champur hal urang! 
Pasar San Luis Obispo sigi manah amat peda aku. Mayuh endar boutique dia, mina aku ka enggai ngetu. Pedis mai anak ka enda nemu jenuh! Ukai mina boutique ka mayuh, bar enggau restoran pen mayuh, ba Higuera Street aja ka dipeda aku nya. Kami nadai bejalai ka bukai laban enggai bejalai jauh .... pedis kaki!Enti berati ka urang ka bejalai sebelah pasar tauka dudok ba bar, endang urang biak biak peda kitai laban bisi siti universiti, California Polytechnic University, ba San Luis Obispo. Ma bala kita bisi nemuai ngagai aku ila, tau mai kita meda menoa San Luis Obispo.
Naka tu aja cherita sahari tu. Pagila baru kami pulai ka Galt.
Manah amat bisi thrift store baka nya ney!
ReplyDeleteIsssh, enti ulih ka meh muka thrift store kediri empu! Semua utai diberi pree. Kami menyanak bisi ga sempat ngambi utai ari kedai ... enda bebayar, laban ko entua aku iya bulih $10 an hour laban ka ngintu kedai nya, alu upah nya dibayar ngena utai ari kedai nya. Tang mayuh utai dia, iya ka manah2 enggi entua aku .. baka sida jewelry, sida pinggau mangkuku, sida gifts ... nya nadai lah kami ngambi, mina gari enggau toys aja.
ReplyDelete