Duncan saduai Denice orang dulu kena. Rengkung rengkung munyi orang ka batuk. Udah nya alu tabin Duncan. Empat hari iya enda nurun sekula minggu nyin tadi. Denice agi ulih nurun sekula laban nadai tabin. Mina diasuh cikgu ngulum gula batuk kena nagang batuk.
Doug enda ibuh sebut. Tiap kali bala anak sakit, iya enda tau enda kena rampit. Dua hari iya enda nurun kerja. Ngumbai diri udah pama agi asai, nurun iya kereja hari lima tu kemari. Bedau maya jam orang pulai kereja iya udah nganjung diri pulai laban agi sakit. Rengkung rengkung munyi batuk alu raguk meh nyawa iya.
Hari lima, aku ga ngasai rekung diri pedis. Sapa kitai enda kena rampit! Kiba kanan orang ti rengkung rengkung batuk! Sahari tu nyu suma ulih didinga lebuhka bejaku. Raguk. Merinsa ma nganu anak!
Ka merak anak, nadai entu pansut utai diperak!Makai ubat enggau ngirup ai memayuh meh pengawa. Kiraka enda raya meh penyakit bala kami laban nadai siku ka nganjung diri ka klinik. Tat aja alu bebungkur ma tubuh nyilu! Ngarapka diri jampat gerai.
Apu! Meh sampal bala kitak menyanak rengak. Take care wai! Get well soon!
ReplyDeleteMa udah batuk, betimbal! Baka symphony! Hahaha. Merinsa tinduk laban batuk. Nyu pedis asai rusuk bai batuk ngemalat nya. :-(
ReplyDelete