Nyu enggai agi ngenat batuk nya kebuah nelipun lutur minta ubat. Aku enggai makai ubat batuk sebarang laban enda ngasi iya ka dibeli ari kedai ubat. Asaika masau jam makai ubat ti enda ngasi!
Ubat batuk ti bisi ngundan codeine enda ulih dibeli ngapa enti lutur enda meri kemendar. Ngam ngam ga lebuh aku telipun ngagai opis lutur, lutur nya nadai gawa sahari nya. Tang siti pemanah sistem ba klinik endur aku berubat ditu. Mesej pasal aku ti minta ubat dianjung ngagai lutur ba rumah iya, alu enda lama udah nya lutur empu telipun ngagai aku.
Meda penyakit aku nya enda raya, tau ga iya mina meri prescription. Enti tak raya enggai enda betemu enggau iya ga. Ubat batuk ti bisi ngundan codeine enggau ubat spray ka dalam idung diberi iya ka aku. Lemai nya Doug (taja iya empu benung sakit!) diasuh aku ngambi ubat nya ari farmasi ba klinik.
Pama agi tinduk demalam, enda suah tedani laban batuk. Arapka diri jampat gerai meh. Ninjik ga nyawa agi masuk makai taja sakit! Manduk kari manuk laban tenguk lemai kemari!
Hi Dor, batuk ga kita sebilik neh. Kami ditu mayuh meh batuk Sudan tak rengkung-rengkung dua tiga ari tu. Meli ubat batuk Peppermint Wood ke sigi selalu dibeli urang tuai kelia. Asuh aku ngirup ai garam pagi-pagi kumbai ia salah ga sains aku, nya kena ngubat pedis rekung ku iya.
ReplyDeleteKita dia benung musin bunga, kami ditu kemarau. Balat amat ba menua pesisir sebelah menua urang ulu nadai ai, sinu amat macha berita sida.
Arapka kita menyanak gerai.
Batuk kami sebilik, Rita. Doug seminggu enda gawa. Kami duai Doug sama-sama kena laryngitis mega. Suma pansut utai disebut!
ReplyDeleteNgirup ai garam? Heheh, patut Sudan madah salah sains nya. Sekumbang makai ubat, jenak mimit ga tinduk. Idung ka sumbat pan kurang.
Arapka jampat meh gerai.