Aku rindu amat berati ka daun ti baru nyumbuk ba pun kayu maya musim bunga tu. Mupuk bedaun magang sida pun kayu ti gugur daun maya musim gugur enggau musim chelap.
Rumput sebelah tanah pan galak amat. Din ditu injin rumput didinga laban tanah udah mupuk rangkai. Maya tanah agi latak kutai enggai nyadi ga mai injin rumput. Pagi tadi aku mai Dudette ngambar apai tuai orang sebarai kami nginjin rumput orang sepiak kami.
Mayau aku enggai enda enggau. Dia kitai begambar ka utai dia ga iya ngelindung biew kitai ti ngambar utai.
Ujung minggu tu tadi beturut hari Doug nginjin rumput ba belakang rumah kami. Kasih tudah bunga rumput kena injin. Ba mua rumah apin diinjin. Mina rumput nisi pagar udah dipanchit enggau rachun rumput.
Sahari tu bemua hari. Taja bemua ujan enda diadang turun. Manah ga nya laban ujung minggu tu ila Doug agi ka nginjin rumput.
Bah, naka tu aja cherita sahari tu!
Niki baka ke jadi mandur ! Ngemata ke Doug, enggai ke salah utai kerja !! hehehe
ReplyDeleteHaha, bisi baka gamal Doug gamal apai tuai orang ti nginjin rumput nya, pia? Hahaha. Nya neighbour aku. Iya nginjin rumput ka neighbour ti diau sepiak kami. Rumah ba gambar nya rumah neighbour. Kami duai Nikki ngemata iya ka nginjin rumput sambil bemain enggau Dudette.
ReplyDelete