Begedi amat aku pansut ma hari ngenyelap nya laban tunjuk kaki aku enda tan. Alu pedis meh iya. Pagila enti hari agi ngenyelap sahari tu kapa aku enda regup regup ngena kasut but bulu kambing?!
Nya kebuah aku tu enda ulih diau ba menua ti bisi salji! Ba endur aku ditu nadai be-salji semadi meh nganjung diri ngagai menua bebukit, kiraka 2 - 3 jam ari rumah aku tu.
Nya meh pagi tadi aku tetunguk ka mee sup, ngicha ka tubuh angat mimit! Beguai meh aku manduk mee segera ka empa aku pagi tu tadi, udah ka pulai nganjung anak ka sekula. Nyamai amat asai isi udah nyirut sup angat!
Pagi kemari aku bisi nurun suping. Mayuh endar sale maya dia hari. Bebeli ka baju chelap ka aku empu, bebeli mega ka fleece robe enggau snuggie blanket ka bala anak. Lebuhka bediri nganti mayar utai ba cashier tepeda ka Christmas ornament (gambar atas). Rindu amat aku meda, alu meli se-set. Bala anak udah milih siti ornament ka diri empu minggu nyin tadi. Tiap taun saduai meli siti ornament kena ngingat ka Christmas taun nya. It's a very good Christmas ritual for the kids! 
Saharit tu aku bisi nulis tutorial ... chara ngaga Christmas animated header ... ngena animated gif ti ulih mutik ari internet.Bala kitai ka bisi blog, aram meh kitai mansutka Christmas header pun bulan dua belas tu ila!
best apa bc salji..iya ga menua kitai tu nadai...walking in the winter wonderland..yahOOOO
ReplyDeleteSedap amat gamal mee sup gaga nuan nya! Meliur aku meda. Lemai lagik masak mee maggie aku...kiraka nunda gulai enggi nuan nya meh! :)
ReplyDeleteFlo, snow ma agi baru ba tanah, beresi amat gamal sereta rindu meda ... tang ma udah tekering, apu lichin! Enti ba jalai, ditabur garam enggau pasir ngasuh iya lela, ngambi ka jalai enda lichin. Kamah amat gamal iya!
ReplyDeleteVeronica, aku agi belala pagi tadi, manduk baru!
Aku munyi ko nuan meh, enti musim chelap begedi amat. Lelak enkutung duduk. Ke ka ia bebungkur enggau pua baru nyamai agi.
ReplyDelete