Minggu nyin kemari bala anak begumpul ka buah olive (zaitun) mansau ari pun kayu olive orang sepiak kami. Ngelama tu aku enda sedar nya pun olive!
Sayau amat olive enda ulih dempa baka kitai ka makai sida buah rambutan. Jengkau ka mansau ari pun kayu, kupak alu tau dempa! Sida buah olive enggai enda dikasam dulu, nya pan panjai proses iya ... 3 - 4 bulan dikasam baru iya nyamai dempa. Kelat, pait, jai asai enti enda dikasam dulu. Endang ukai utai dempa enti enda diproses dulu.
Bekareh meh Doug ngiga resipi kena ngasam olive. Mayuh jalai ngasam iya, tang chara ka muntang dikasam dalam ai dichampur enggau garam. Butul nya enda tau ditutup rat. Udah seminggu, tukar ai garam nya, tambah ai enggau garam baru ... meniga empat bulan ku resipi ditunda Doug. Apu, lama endar nganti maya iya tau dempa! Nyamai meh meli ka dalam tin tauka butul ari supermarket!
Minggu nyin kemari bala anak begumpul ka buah olive (zaitun) mansau ari pun kayu olive orang sepiak kami. Ngelama tu aku enda sedar nya pun olive! 
Sayau amat olive enda ulih dempa baka kitai ka makai sida buah rambutan. Jengkau ka mansau ari pun kayu, kupak alu tau dempa! Sida buah olive enggai enda dikasam dulu, nya pan panjai proses iya ... 3 - 4 bulan dikasam baru iya nyamai dempa. Kelat, pait, jai asai enti enda dikasam dulu. Endang ukai utai dempa enti enda diproses dulu.
Bekareh meh Doug ngiga resipi kena ngasam olive. Mayuh jalai ngasam iya, tang chara ka muntang dikasam dalam ai dichampur enggau garam. Butul nya enda tau ditutup rat. Udah seminggu, tukar ai garam nya, tambah ai enggau garam baru ... meniga empat bulan ku resipi ditunda Doug. Apu, lama endar nganti maya iya tau dempa! Nyamai meh meli ka dalam tin tauka butul ari supermarket! 
Bah! Baru perasan nuan nya buah olive..kehkeh. Aku sigi nadai kala bebeli ka olive oil tauka olive ka udah di kasam. Entua indu ku enggau pangan ia sigi bisnes olive oil enggau winery. Enda payah meli, bisi urang meri stok nya hehehe. Ditu nyamai amai nanam sida buah olive nya. Nyadi amai.
ReplyDeleteselamat bekelala puteri....ulih aku add nuan ba blog list aku? hehehe
ReplyDeleteCharlene, amat enda perasan ka nya olives! Heheh, iya hari hari ga mansa, meda ga buah begantung ba pun kayu nya ...
ReplyDeleteWah, taukey besai sida mentua nuan, neh!
Lovelace, selamat bekelala!
Olive kasam nyamai amai. Agi niang mayau agi idup suba, ka endar ia makai olive kasam. Kiau kiau enti kitai enda meri ai. Nyelai enda pia?
ReplyDeleteeeehh, enda lah aku nemu mayau nemu ka makai olives! minta durian nemu aku! hehehe.
ReplyDelete