Demalam sekula bala anak bisi ngatur Speech Meet enggau Open House. Tiap iku anembiak sekula enda tau enda meri speech tauka macha poem. Bala anembiak dibagi ngagai dua iti grup. Grup sida Duncan ba gereja alai sida mantai ka speech tauka poem sida. Grup kedua ba assembly hall din. Enti enda pia, semalam malam meh ninga bala anembiak be-speech! Enda alah!
Denice, engka kelalu balat rawan, nyu enda ingat mantai action ... jari diengkah ba belakang bemain ka skirt! Tang iya ingat semua leka poem iya. Aku irau amat ka Duncan laban selalu tinggal siti tauka dua iti ayat ari poem lebuh ka pritis. Demalam pama ga iya, ingat semua alu bisi mantai action iya. Tiap iku nembiak alu bisi nerima sijil udah nya, nadai prais bukai laban ukai pekit. Semina kena meransangka bala nembiak belajar bejaku ba mua orang mayuh.
Udah nya, bala apai indai/aki ini bala nembiak alu nemuai ngagai kelas anak/uchu sida meda pemansang pelajar sida. Pengajar sida Duncan bisi nyendia ai enggau chocolate chip cookie ka bala temuai.
Sahari tu diau sekula bala anak laban apai indai betemu enggau pengajar anak sida (parent-tecaher conference). Baru iya meh aku tu ngasai ka parent-teacher conference. Agi saduai ba kindergarten suba, mina beconference ba telipun enggau pengajar sida.
Teperansang amat aku ninga utai disebut pengajar saduai pasal pemansang saduai ba sekula. Enda rugi asai aku nganjung saduai ba sekula nya taja bayar ba sekula nya besai enti dibanding enggau sekula perintah ti enda bebayar. Tambah mega, ukai semina kami duai Doug ka tuai umur dia ... bisi ga bala apai indai bala nembiak sekelas enggau anak aku ti serambau umur kami duai Doug!
Well done. Bisi ngambi video seduai nuan Dor? Ni nemu, kena nyadi kenangan mun seduai tuai ila lusa..hehe..
ReplyDeletemanah amat program bakatu..meransang bala nembiak ngicha cdak iya nda takut bejaku ba bala maioh..
ReplyDeleteCharlene, nadai aku ngambi video! Video recorder Doug bisi dibai tang bateri nyu ka mati da! Enda berapa! Mina ngambi video sida recite poem ba rumah aja.
ReplyDeleteFlo, nya meh, manah amat program ba sekula sida nya. Bisi music classes meh sida.
Manah amat program bakanya. Aku rindu enti bisi program bakatu ba Primary school ditu. Enti bisi program baka tu, nadai bala nembiak takut ka public speaking. They will not be scared of speaking in public or to share their views.
ReplyDeleteAku rindu amat maya bnetemu enggau apai indai nembiak... Utai ke ngasuh 'kureng' mimit nya enti apai indai ke kelalu nenah ka anak sida ia. Nadai kala ngaga penyalah kenu tang ba sekula perangai semina enda baka antu... Baka ko indai nembiak aku,
"jang kami nya cigu, ma enda pukul 11 mlm enda datai di rumah ia...tang manah ia, enti dirara kami enda ia ngelaban.."
akai...sempat gak ia muji anak ia.
ko aku,
"amat meh ia enda ngelaban nuan ibuk, tang ia enda mending ka nuan..."
Chris, one of the advantages of a small, private school! Surprised amat aku bala anembiak seumur sida Duncan can memorize so much! :-)
ReplyDeleteAu, ah, enda ngelaban, ko indai iya .... ignoring her is more like it! Kasih.