Apai burik ...

Kati ku munyi jaku Iban nya ... apai burik, anak rintik? Betul nya?

Demalam kami duai Doug bisi diberi tikit enggau pengerami BBQ & Barn Dance ti diatur Rotary Club Galt Sunrise. Kami duai Doug kira ka ngari kelab Lions. Meda tema malam nya country and western, ngena tupi kuboi meh Doug enggau kasut but kuboi sekali.

Duncan enggai enda nguji kasut enggau tupi Daddy iya. Geli ati amat kami meda ulah iya, nya meh nyu begambar indah.

Nadai entu rami iga pengawa Rotary Club demalam enti dibanding pengawa Friends of the NRA apin lama tu tadi ba endur nya mega. Aku sempat menang sepasu bunga ari cabutan bertuah. Nya pan ari tikit ka diberi pangan aku siku ti endang ahli kelab Rotary nya. Tikit ka beli aku empu nadai bulih utai.

Bisi band ngiring pengawa betanda malam nya. Tekap asai pending laban lama udah enda ninga live band! Bisi ga kami duai Doug enggau orang ngansar ka tikai mimit demalam! Puas Doug ngumbuk baru aku ka dibai iya! Kaju asai laban ka enda nemu country and western dancing!