Kabut

Pasu bunga enda dibai tama udah bekau beganti pasu kutai!

Nadai entu cherita sahari tu, mina cherita pasal hari kabut.

Tumu pagi tadi, nadai karan tang nasib ga enda lama. Nyu begari ngena lampu pichit aku pagi tadi, alu nungkun dian ba mija makai.

Ma hari kabut ditu enda tau enda nadai karan laban sida tali karan abis kena tinggang pun kayu ti tumbang. Jarang ga kami ditu nadai karan lama.

Kerita enggau trak ti telinchir ba jalai raya enda ibuh sebut agi. Aku enda pansut ma udah hari baka tu. Kesal asai ati laban sekeda orang mai kerita bakaka selama, nadai ngira kerita tau telinchir. Nasib ga sekula anak enda jauh alu nadai mayuh kerita nengah jalai ka dikena kin.

Asaika enggai ngelaban kabut ngagai sekula anak maya sida ngetu tengah hari tu lagi tang pagi tadi pengajar sida udah madah alai bala nembiak begumpuru ma hari ujan baka tu, enggai nyadi ga enda nulung ngemata bala nembiak!