"Udah mansau buah entekai kitai nya?" ku aku nanya Doug. "Kati kitai nemu buah nya udah mansau?"
"Enti udah kuning, mansau meh nya," ku iya. Nyau meh aku ngambi dua igi buah entekai ti endang kuning amat peda aku. Dua pun entekai ditanam iya taun tu, ditanam dalam pasu. Taun tu iya endang sengaja milih bansa entekai ti mit, alu endang bansa ti kena ngaga lauk.
Lebuh aku mela entekai, meda tak agi gadung senentang kulit iya. Heheh, reti nya apin entu mansau meh entekai nya tadi! Meda nya bakanya, digalau dulu ga sigi ari buah ti diambi aku nya.
Taja buah entekai nya apin entu mansau iga iya endang udah tau dipanduk. Nya meh lauk kami demalam alu lauk buah entekai nya diembal enggau babi panggang. Lapa deh, laju meh perahu!
Manah endar gamal entekai nya. Ka nguji nanam dalam pasu baka enggi seduai Doug. Naka meh penyamai makai enggau ngot panggang gak agi....akaiii meliur ahhhhh :p
ReplyDeleteHehe, baru iya meh aku manduk entekai ti ditanam diri empu. Previous years, entekai ke ditanam diambi nyadi decorations aja. Sekali tu milih the small variety for cooking ... nyamai - ditambah enggau ngot - aisey!
ReplyDeleteDor, uji gaga nuan kari manok gulai buah entekai nya, stidiii...
ReplyDeleteKari manok enggau entekai? Wow, so instead of ubi kentang, ngena entekai? Ka aku ngjuji!
ReplyDeletemanah amat gamar buah entekai nuan nya..
ReplyDeletekeni asai entikai sida ribai ney wai??? asai entekai kitai menua???- enti kitai bisi ke nyamai engau enda, nitih ke gamal kenu ko orang ke nemu milih. Ba menua ng latak ditu jarang endar tetemu kenda nyamai - nya bala anak ka amat belauk buah entekai - munyi ko jaku maia ari tu nyu lemak bekrim asai ia.
ReplyDeleteflo, gamal iya manah tang iya enda manis enggau belemak baka sekeda ke udah disepi aku di menua din.
ReplyDeleteAndan, ngiga meh aku bansa ke nyamai tang nadai udah tetemu aku ditu. Bansa siti tu tau dempa tang enda "lemak bekrim". Bisi hari dudi ila mai leka ari menua! :-) Simpan dalam kuchik tanchut nadai customs nemu!