Hari sahari tu enda ngangat hari kemari. Angin tasik bisi endar disepi muput sahari tu. Nya kebuah hari enda angat iga. Nitih ke ramalan cuaca ujung minggu tu lagi nyamai amat hari, asaika ukai musim panas.
Meda hari enda angat iga sahari tu, aku alu duduk ba luar pagi tadi ngemata sida indu kesulai enggau indu tawir ti bisi terbai sebelah kebun bunga. Indu tawir ke bechurak gadung tu enggai endar inggap, alu enti inggap nyu belalai ba daun pun gladiola. Bajik endar gamal indu tawir siku tu peda aku!
Bansa siti tu baru ka endar inggap ba daun gladiola ti udah layu. Nya ti ngasuh iya nyamai amat digambar. Maya musim panas mayuh endar indu utai mit mit terbai sebelah tanah. Nya ke nyadi pemakai indu tawir. Taun dulu asaika nadai aku meda sida indu tawir ngemayuh nya terbai sebelah tanah aku ditu. Rindu endar aku ngemata sereta ngambar sida!
Naka tu aja cherita semadi nadai aku sekali tu!
Manah ndar gambar nuan. kamera apa kenak nuan?
ReplyDeleteThank you! Aku ngena Olympus E620, ngena Olympus lens 70-300mm kena ngambi gambar tu.
ReplyDeleteDor, Well done! Excellent shot indeed. Sigi abih sida segala indu utai di ngambar ulih nuan..hihi. Aku bila agi neh..nganti spring ila meh...so far..I notice sida bala lalat udah bisi..eee..kali baru pansut ari hybernating kali ko indai aku madah..wakakah
ReplyDeleteCharlene, thank you! Sahari tu aku ngining macro lens! Minat amat ngambar sida indu utai!
ReplyDeleteNadai insect bukai, pia? Lalat aja? Hehhe, macro lalat should be interesting!