Rindu amat aku nitih hummingbird ti rami amat ba kebun entua aku ditu. Iya ga sida enda entu takut meda mensia! Rindu amat aku meda background gambar siti tu laban ulih dipeda embun ba belakang. Tumu pagi aku pansut kemari mai kamera.
Ma siku udah inggap ba dan kayu, mansang nuan dia meh iya, enda terbai lari baka ti ditemu ba kebun aku di Galt din. Siga endar sida ba kebun aku. Ayung aku ba jendela deh enggai meda, alu terbai lari.
Kami menyanak ba rumah entua aku di Nipomo. Hari minggu kemari kami angkat laban Doug bisi nyadi saksi ba case makhamah ditu. Pagila (hari tiga) pulai kami. Lelak endar ga asai tubuh dibai mindah laban ti agi jetlag.
Taja diatu musim panas, ba menua Nipomo asaika ukai musim panas. Pagi hari tebal embun. Lemai hari bakanya ga. Ku jaku lemai kemari ka bejalai ngagai tebing tasik ngambar mata panas padam - ni mata panas bisi dipeda laban embun!
Bah, naka tu aja dulu!
Manah endar humming bird nya! Colibri ka peranchis ngumbai. Di menua mentua ku, di Martinique mayuh endar. Ditu jarang ku meda.
ReplyDeleteSama meh gaya ari kitai. Asai ke udah musim gugur, chelap enggau berambun pagi ari.
Ba menua sida entua aku aja hari bansa nya. Di Galt ditu angat. Tang in between the hot days bisi ga hari nya enda entu angat iga. Not bad summer taun tu.
ReplyDeleteRindu diri aku betitih ke hummingbird!! Nyenep menyenep kamera!