Betemu enggau Ramzi

Pagi kemari aku betemu enggau kawan lama aku enggau anak iya ti bisi mega datai ari US kemisi ba Miri ditu. Kawan aku tu classmate aku ba sekula sikinderi kelia. Penudi iya kami betemu suba dalam taun 2004 di Indiana, maya umur Duncan baru masuk setaun sebulan.

Kami duai Nadzirah bakaka besemaya. Sama taun belaki, sama taun pindah ka US, alu sama taun beranak!

Taun tu baru iya kami pulai ke Miri sama bulan sama taun. Ngelama tu iya selalu pulai dua taun sekali maya musim Raya, nadai lah ulih betemu laban kami pulai musim Gawai.

Denice, Duncan enggau Ramzi.

Kami pansut sigi ka mai bala anak nyemerai ba swimming pool tang swimming pool tutup. Ko notis dia, tutup pagi nya aja alu dibuka udah pukul dua belas tengah hari. Meda nya baka nya, kami alu ka Imperial Mall bala kami.

Ba Imperial Mall kami bisi dudok makai ba KFC dia. Udah kami makai dia, kami alu mupok nikal ka swimming pool. Pei! Nama nya agi tutup swimming pool nya deh?! Ni ka enda lama tutup deh? Asa asa endar ati bala anak!

Meda pool nya agi tutup kami alu raun sebelah City Fan. Bala anak rauh rauh meda jematan alu beranda nuju jematan nyemerai pegong ka dia.

Ngelama tu aku nadai entu ngetu ba City Fan, mina meda ari jauh. Kira ka enda sedar tempat nya ngemanah nya! Ngena endar ga hari kemari bisi angin mimit. Ma dudok ba baruh pun kayu dia, nyamai endar asai iya laban ka enda entu angat.


Nama deh ... gaga bala anak alu beranda kin kitu sebelah City Fan.


Amat manah endar ga view ba City Fan. Patut tempat tu popular ba orang ti ka posing ngena baju kawin sida!

Nya gamal orang manchal! Nyu mirah mua bai beranda kin kitu, begagai gagai enggau Ramzi!

Minggu tu ila, mai bala anak nurun ka swimming pool baru. Arap ka buka meh swimming hari kami ka datai nya ila! Sapa kitai ka asa asa baru?!