Tak enda liat agi aku, alu angkat, kerus kerus ba dapur ngiga utai dempa. Jam maya nya pukul 2.00 pagi. Muzik orang ka diau seberai kami agi belagu inggar. Ngumba endar ga siko nya, ma udah angin iya, betebahka lagu country iya nginggar nya siko tu. Sekampung, munyi ko jako, ulih ninga muzik country iya nya. Nya enti ga enda lama iya ka nebah muzik iya nya. Hari pukul 6.00 lemai muzik iya endang udah. Nya meh munyi ko aku tadi, pukul 2.30 pagi baru muzik nya ngetu.
Ko Doug, engka iya ka ngemedis ati orang Mexican ka diau semak iya dia. Kutai sida ga bemain lagu Mariachi semalam malam. Sekampung ulih ninga.
Bisi sekali, iya ka seberai kami nya bemain lagu country iya semalam malam. Nyu ringat orang Mexican ninga lagu iya nginggar nya. Nyu betimbak ka senapang nuju ka langit laban ka ringat. Leo (orang seberai kami) alu ringat ninga timbak senapang sida nya. Iya alu mansut senapang iya ga alu nimbak ka langit! Enda memunyi bala Mexican udah nya.
Ukai ga tegal muzik Leo ti inggar ti ngasuh aku buntau. Jendela semua tutup, nadai ga tak inggar ni muzik nya didinga tang laban nya jauh malam, semua utai ti memunyi ulih didinga magang.
Buntau laban sigi maya iya ga buntau. Lama udah penyakit buntau nya enda ngachau aku. Engka laban jet lag aku apin abis, kini.
hihihi...gelik ati aku macha cerita nuan tu. teringat ke cerita cowboy peda agi mit kelia - Gunfight at the O.K. Corral (1957 film)! enda gak tak minat ke cerita cowboy tang title filim siti tu, agi diingat endar nyentuk ke diatu. nadai endar utai ngasuh sida nya mansut ke senapang...ketegal muzik !!! hahaha uji tebah ke tabuh dia, engka jenuh sida iya kini??
ReplyDeleteHehe, nyu nanya indai tuai ti diau ari sepiak belakang Leo. During Bible Study iya nanya enti aku bisi ninga bunyi timbak .. Leo enggau sida Mexican, ko aku. Semak kami ditu endang selalu bisi bunyi timbak senapang laban ti in the country side. Haha, enggai aku dibai bala Mexican belaya enggau muzik Mariachi iya ila!!
ReplyDeleteamai sut urang nya diak...patut nyu nekan senapang bala keda iya.pelaba aku enti nya kitai iban, kada udah timbak iya bala mexican nya....haha.it was funny
ReplyDeleteSigi sut tang enda la tau timbak sebarang. Timbak ka langit tau la, tang anang meh sampai nimbak orang nya! Bisi angin sida nya, bisi maya betebah ka lagu ninggar nya! Amat, nyu sekampung ulih ninga. Kumbai kitai ba menua kitai aja bisi utai bakanya tang ditu pen bisi!!
ReplyDelete