Tengah hari kami empat blogger ka betemu alu ngirup teh ba restoran ba Grand Margherita kutai, sida Denice, Duncan enggau Daddy ngatur program kediri empu.Aku irau meda hari nya angat tang sida tiga nadai peduli pasal hari ka angat. Ni enda irau laban maya nya mayuh orang renga tauka angat isi.
Sida tiga menyanak sempat nepan sampan nyemerai sungai Sarawak alu bepeda ka menua seberai sungai. Nyu mirah moa sida tiga menyanak lebuh ka pulai ka hotel ari pengawa sida nya. Kebuah pulai tumu laban ka ngasuh saduai dua iko nya tindok dulu sebedau sida pansut baru alu enggau orang be-cruise ba Sungai Sarawak, sunset cruise kenu.
Bisi endar ati aku ka enggau cruise nya tang enggai nyadi enggau laban ka bisi ngatur program kediri empu enggau sida "ibu blogger" . Mayuh endar cherita bala anak pasal cruise nya .. pasal makai birthday cake, pasal begambar enggau orang ba cruise nya, pasal utai ka dipeda niti sungai, pasal cultural show ba kapal ...
No comments:
Post a Comment