Pama endur kami ditu nadai bisi salji. Enti salji penebal ti benung labuh di Washington DC din, endang cabin fever gasak hari baka nya. Sapa ka bekurung dalam rumah lebuh ari chelap? Manah enti bisi karan kena ngangat rumah, sekeda nyu nadai karan laban tiang karan abis tumbang kena tinggang pun kayu ti rebah - rebah laban pemerat salji ti begumpul ba dan kayu.
Sapa enggai pansut ngiga tempat ti angat agi baka menua ngimbai tebing tasik baka Shell Beach? Ba California, menua semak tebing tasik jarang ngeyelap menua ti jauh ari tasik. Pia ga maya musim panas, menua ngimbai tasik enda ngangat menua jauh ari tasik.
Kami menyanak bisi bejalai ba tebing tasik Shell Beach hari Thanksgiving taun nyin kemari. Nyamai amat hari sahari nya. Enda chelap enda angat.
Tebayang ba mata ka ngagai menua tebing tasik laban ka lari ari penyelap!
♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡
Au, pulai ngagai randau aku ari kemari - fotografi. Ngambar landscape pedis amat! Nyenep menyenep tang utai ka pansut .... enda puas amat meda! Ukai main pemanah utai dipeda, tang udah pansut ba gambar ....
Sahari tu aku tetemu ka bup pri ba internet. Bup tu dikumbai Complete Self-Instructing Library Of Practical Photography. Lagi macha ngichaka nemu agi pasal ngambar landscape!
waaaaaah! amat manah ari kita dia! enda baka kami ditu, tak majak besalji !! enda rindu endar :-(
ReplyDeletecabin fever ?? auk, nya nama penyakit kitai bekurung kelalu lama dalam rumah ketegal celap. ahahaha
lelenggau ke panas. ensanus bisi terang panas enda lama. linsau mata wai...enda teleba. pengelama kami ditu nadai udah enda meda mata panas.
auk, amat ka nuan. aku munyi meh. nyenep menyenep gambar scenery. tang dah nya buai ke tisi tauka didelete terus, laban enda puas ati meh nya. lain digambar , lain pansut. tang diatu ngenyadi ke programme photoscape ngadu ke gambar ke enda menyana ka jaku. pama gak.
Lain digambar, lain pansut! Heheheh, amat begedi meda. Ukai nya ulih nikal .. conditions ukai nya sama bakaka hari kitai nyenep gambar nya!
ReplyDeleteKasih endar, nyu linsau mata laban enda teleba meda mata panas. Pama ga mata panas pagi tu, taja bisi mua hari ba sepiak langit. Asal enda ujan maya siang hari, pama meh. Lelak enda meda ai betakung sebelah tanah ... ni latak agi!