Pagi tadi, udahka nganjung apai enggau indai aku ka Miri Dialysis Centre, kami tiga menyanak alu ngetu ba Boulevard Mall. Aku kia laban ti ka meli penuduk netbook ti bisi kipas. Engka laban putar karan ditu tinggi agi ari putar karan ba menua kami nya kebuah netbook aku angat. Kelalu angat nyu takut aku meda utai pengangat nya. Pechuma aja enti netbook aku nya rusak!
Lebuhka ba kedai komputer, aku alu meli LCD monitor 18.5", kena aku ngadu gambar. Enda puas ati aku ngena screen mesai 10"! Kelalu mit utai dipeda! Enti dikena meda utai ba internet aja, skrin mit nadai ngachau.
Udah kami pulai ari Boulevard Mall, kami alu ngetu ba rumah ipar aku siku. Kiak kiak bala anak mai kin laban ti ka bemain enggau bala petunggal. Panjai meh cherita kami duai mipar. Cherita kami duai alu bisi limpang ngagai cherita iya ti ka belajar ngaga quilt. Kasih tudah, bejait ngena mesin jait deh enda entu nemu.
Dia iya alu mantai sekeda quilt block ti bisi digaga iya. Masau kain, ku iya, laban nadai nyadi utai dijait. Amat kasih endar meda utai ti dijait. Amat enda nemu bejait meh siku nya!
Ila aku ngajar nuan, ku aku. Bala nembiak sekula bisi 2 minggu agi kemisi. Nyamai meh alai kami duai bejait. Aku endang udah bisi mesin jait ditinggal aku ba rumah apai aku, nyamai ga kami duai sama bisi.
Bah, naka tu aja cherita sekali tu.
Sama2 agi belajar meh bala kami tu Doris. Aku agi belajar ari pangan aku ka bisi diau diMenua Holland enggau NZ suba. Iyanya meh ngansing bala kami ngaga quilt blocks. Injin aku lalu bedau aku assemble laban nadai ruang bilik cukup besai alai aku engkah iya. Benong besikap ka bilik meh aku ngelama tu. Nyimpan lalu muai utai sekeda ka enda agi dikena tauka diguna. Bereba bilik aku dia... and extremely dusty!! LOL!
ReplyDeletePama enggi nuan, Nyun, bisi dianjung! Bisi aku ngeso utai digaga nuan. Adu meh mesin nuan nya, aku ka meda! :-)
ReplyDeleteglemer nama quilts nya ukai puo tampung sribu ko kitai iban?
ReplyDeleteCoki, pua tampung seribu kitai Iban meh nya. Patchwork tauka quilt nama ribai iya! Tang ma kitai Iban nyebut pua tampung seribu, nadai nyengala pattern. Diatu bala ka nemu agi begiga ka pattern nunda stail gaga ribai.
ReplyDelete