Lemai kemari leboh kami datai ba rumah ari menoa sida entua aku, dia aku meda kutak ari Amazon dugau dugau ba driveway. Mali meh postman nganjung nya ka moa pintu kin, ko aku mutap kediri.
Kebuah meli Wii laban ka besenam ngena Wii Fit nunda sida Mama Doyee. Mula-mula ka meli treadmill, tang Doug complain, ragak alu nadai alai nyimpan tambah mega kada enda dua tiga kali dikena udah nya nadai kala dikena agi! 
Meda orang udah complain, nah manah agi meli Nintendo Wii! Kapa nganti orang meli ka aku!
Tang kemari asa aja ati laban mina Wii console enggau game bala anak aja datai. Wii Fit dipost kediri ngena UPS, alu disemaya datai 26 March tu lagi. Enda berapa, jampat agi utai dikirum ngena Pejabat Pos datai! Iya sama hari ga utai nya dikirum!Pagi tadi nyau meh aku masang Wii alu bemain bowling enggau tennis ngena Wii Sports. Lekik lekik kediri bemain! Udah nya, aku bisi ngorder siti da game Wii, My Fitness Coach. Meda nya mayoh bala ka udah besenam ngena My Fitness Coach muji pemanah senaman nya alu tekuing ga ati. Ko jako ka ngorder bup siti aja ari Amazon ... kala meli utai kurang ari $25 aku?! Mesti lah meli lebih ari $25 ngambi ka bulih free shipping! Lebu mayar shipping! Manah agi duit nya dikena meli utai bukai!
Ila bekunsi baru, ma bisi meda insur tubuh dibai besenam enggau Wii Fit tauka enggau My Fitness Coach!
wahhhh! best nyeeee !!! nyamai meh agi besenam kediri, bila2 maya aja dalam rumah. aku bedau ka besemaya meli...meda insur ba nuan dulu, auk....hehe
ReplyDeleteLawa urang eh. Dah bisi Nintendo Wii udah..Aku lama amai dah nadai besenam enggau Wii Fit aku..nya bisi ngerepak utai nya hehehe..Udah coba main online enggau bala kaban bukai seduai Lyana?
ReplyDeleteBesenam kediri sigi nyamai, enda kiroh betepan ka kerita nurun ngagai gym, tang siti aja, nadai org enggau meransang kitai! Lagi panas panas tai ayam aja!! Gerenti bisi insur, eh, jeles nuan meda penyelim tubuh aku ila, tentu nuan pen ngorder Wii Fit ka nuan empu! Heheheh.
ReplyDeleteCharlene, enti pasal gaming aku sigi nadai minat, endang ari kelia aku nadai minat .. hand eye coordination enda berapa! Kena besenam aja meh Wii nya, ngelak ka bala anak aja bemain games ba nya.
Aram meh kitai mansut Wii Fit kitai, ulih ga meransang sesama kitai!