Huh

Enda berapa endar gamal gambar ka dipost aku ngena iPhone leboh aku ka ba Los Osos tu tadi. Sigi tusah nerupong utai ba screen mesai 5"!! Terang enda terang gambar ka diambi ngena camera iPhone pen enda temu. Samoa main aga aja!

Tang taja screen iPhone nya mit, tau endar ga dikenyadi. Ba Los Osos din ukai nya bisi internet connection. Teperindang ga aku ulih ngepost entry ngagai blog tauka macha utai ba internet ngena iPhone. Cell phone connection dia kira manah amat. Mula mula enda entu nyadi ngepost entry ti bisi gambar. Berapa kali aku nguji baru aku sedar aku mesti bediri semak jendela ngambi ka terang agi connection, nya baru nadai penanggul ngepost entry ti bisi gambar.

Aku bisi bebacha pasal 3g phone ti tau dikena nyadi modem. iPhone sigi ulih dikena nyadi modem tang nya meh AT&T ti nagang serta nyekat iPhone nya dikena baka ke ngena modem. Bisi ga rita madah dudi ila AT&T ngasoh bala ka bisi iPhone ngena nya baka modem. Tang diatu pen ulih enti ka ... asal aja iPhone nya udah di jailbreak alu di-install software ti tau ngasoh iya nyadi modem. Jailbreak meh dia, ko entua laki aku, ma ulih enggi nuan dikena nyadi modem, ila nuan madah ka aku! Heheh.

Sigi ka pen aku! Netbook bisi alu diangkut kin kitu ... rugi enda dikena niki internet ma ba tempat baka rumah kami ba Los Osos ti nadai internet connection!