Meda hari nyu udah laun kami enda ngetu ba barn kami di Los Osos tang alu terus ka restoran di San Luis Obispo. Tempat alai kami ka makai malam nya dikumbai Apple Farm. Baru iya meh aku tu dibai urang makai ba Apple Farm. Aku enda entu nemu cherita Apple Farm. Engka amat kebun epal tempat nya suba.
Manah amat ga tempat nya. Rindu amat meda sida bunga sebelah restoran, hotel enggau gift shop dia. Nasib ga hari apin petang iga, alu ulih ga ngambar sekeda bunga ba luar.
Maya kami datai dia, hari agi ujan meresi. Hari ujan meresi sepemanjai jalai, tang bisi ga sekeda tempat dipansa ujan nya ngetu enda lama.
Rindu amat aku meda utai ka dijual ba gift shop. Kami diasoh nganti 20 minit laban restoran nya penuh maya kami ka datai dia. Bepeda ka utai ba gift shop ulah kami semadi nganti dikangau tama ka restoran. Sida entua aku agi ba rantau jalai. 
Leboh ka nganti dikangau tama ka restoran, sempat main checkers (main dam) bala. Duncan alu madah iya ka ngiga checker board ngemesai nya. Sempat ngasoh waiter ngambar kami tang enda berapa gambar nya ... enda terang. Sigi baka urang enda teleba ngena kamera aku nya. Kelalu jampat ngachit kamera! Apin entu focus gambar, alu ngachit, ni enda abis enda terang!
Pulai ari restoran kami alu ka Los Osos, alai kami bemalam ujung minggu tu. Bala anak sempat meda video Mr Bean sebedau saduai tindok, enda ngira hari nyu udah jauh malam!
Sahari tu kami beganjuh sebelah San Luis Obispo. Pagila nyambung cherita.
Dor, rindu amat meda bungai enggau gift ba Apple Farm. Aku enti raun sigi utai bakanya ke rindu dipeda, rindu meda rampa menua, meda asil pengelandik jari urang, tak nyinuk amat aku. Asaika ka ngaga utai bakanya, tang nadai penau kia he he. Pia mega aku nyu udah berubah diatu kurang amat gardening, nyu ngerising sa bungai ke udah ditanam. Endu ke nuchi rumah aku ke ngibun ma iya bisi ari, enti enda nya, barang baka ia meh. Suba akai rai, bejam-jam aku gardening, diatu nyu berubah. Ku pangan aku Pat ke selalu enggau aku betundi, ukai nama ku iya, nyu ka menopause. Amat kini?
ReplyDeleteAram meh kitu, raun meda menoa alai aku ditu,Rita.
ReplyDeleteInterest nyu udah berubah laban ka menopause?! Haha, ngasoh aku ketawa aja! Ni lah kitai nemu, engka tak amat bisi truth jaku nya meh! Hehehe.