Pagi tadi aku bisi nurun ka pasar laban agi belala ka makai lauk daun peria. Naka pengaga ati lebuh ka milih daun peria aku tepedaka daun ubi! Baru iya meh musim tu aku meda daun ubi! Minggu nyin kemari apin bisi.
Udah datai ba rumah aku alu mela daun ubi. Daun ubi ditutuk, udah nya diguring enggau ikan pusu, lia, bawang, chabi enggau serai ti udah mega ditutuk.Tumu aku makai sahari tu! Jam baru pukul sepuluh setengah pagi, aku udah tembu makai!
Lemai tu lagi, baru aku mela daun peria. Enggai nyadi ga digalau datai pagila. Layu diri daun peria! Kangkung enda ngawa, tan disimpan dalam peti ais.
Lyana enggau Alice ti diau di menua Peranchis din .... anang jeles, au!
Puuuh sedap mat lauk nuan nya.. yum yum...
ReplyDeleteAu ah, lama dah nganti daun jabang pansut ba market kami ditu! Kenyang makai sahari tu! ;-)
ReplyDeletesingin ka ngetil daun bunga lupines aku dia.....LOL laban sebaka enggau daun ubi/jabang !!!!
ReplyDeleteHaha, amat ga daun lupines, nyu baka gamal daun ubi!! Nuan enda nguji? Getil, rebus ... sepi lah .. haahahaha
ReplyDeleteapu puteri, ulih nuan meli ke aku then kirim ke aku kitu, ila ku mayar cost ke nuan. nadai ulih keluar aku diatu bisi baby. enti nuan bisi tetmu ke daun ubi lalu beli dua ikat send ke aku auk. lama amat aku nganti daun ubi.
ReplyDeletecuthess
Cath, hari tiga minggu baru baru ulih ngiga daun ubi nya ka nuan. Market tu mina sekali seminggu.
ReplyDeletePelaba aku enda ulih ngirum utai kira ka agi idup tang bisi lah jalai! Ila aku nguji. Arap ka enda layu ma udah datai ba nuan din! I will send by the fastest mail ... haha, kasih ninga nuan tenguk!
haha, nya meh kemari aku ngasuh brett ke lucky 97 market nadai ko ia daun utai nya, baka daun marijuana ko ia. alamak... auk enti nuan bisi tetemu anang enda ngirum ke aku, cost ia anang irau aku return ke nuan, enggai ke punan.
ReplyDeleteaku diau di USA,state semak ari enggi nuan. Enda lama agi (5 minggu) kami menyanak deka nemuai ka menua. Aku tu selalu ngenang pemakai kitai Iban baka daun kangkong, sambal belachan kena makai buah maram..daun ubi(my favorite) pandok enggau manok ngena bamboo...buah terong iban ti agi green pandok enggau daun ubi and buah maram ngasoh sour mimit lah..enti datai di Kuching lalu mupok ngagai market ba batu tujoh ngiga lauk Iban din. Tak nadai ngetu makai nama datai di menoa. tumu dani lalu ngiga utai di empa. Bala anak aku tiap ari ka makai kolo mee. Nya meh..ni ni pan pemayuh utai pemakai ba menoa ditu nadai meh asai ti makai pemakai kitai diri empu di menoa. Nyau meliur kadang kadang nama aku berunding ka semua pemakai kitai Iban di menoa. Even utai ba pak kopi..aku nguji ngaga toast ditu, enda meh ngenyamai toast di menoa, enda nemu kebuah, enda sama asai.anyway, torture diri empu aku nulis tu.
ReplyDeleteLapa enda madah diri wai anonymous! Dini alai nuan diau?
ReplyDeleteLaun endar kita pulai ka menua kah? Kami menyanak angkat 22hb jun tu lagi.
Bebebdar meh kitai makai lauk ti kenadai ba menua orang ditu!! Aku ka dudok ba kedai kupi makai wantan special ... sida atau janik enggau perut janik digulai enggau wantan! Hahah. Isssh, ka ngiga kasam ensabi mega!!
pama amat randau sida indu iban belelang, tetenguk ka daun ubi asai sepuluh taun enda ngasai. akai terung iban ngasuh meliur, enti dioanduk sup enggai salai ikan tauka enggau belacan akai sedap. kena mantup ke nyawa aku manduk tubu empai lama, nya aja meh utai ulih digiga beaer ke aku ba kedai makanan asia ditu.
ReplyDelete