Final DWTS

 Update -

Sapa bala kita enda nemu aku tu minat meda American Idol enggau Dancing with the Stars? Enda nemu kita, pia?

Video result round nya ditu.

Demalam finals siri Dancing with the Stars. Malam tu baru nemu result pekit nya, alu malam tu mega malam final American Idol!! Arrrgggghh! Program DWTS berengkah pukul 9.00 malam alu AI berengkah pukul 8.00 malam.

Kati ko tu bah? Masang dua iti TV sekali ma udah jam pukul 9.00 malam?  

Anang ketawa bala kita, laban aku tu ukai bansa orang ka balat meda TV. Program dua iti tu aja meh dipeda aku alu ma siri tu udah abis, aku nadai nitih program bukai. Mina program news aja ka dipeda.

Tiga pasangan betanding demalam ba pusingan finals DWTS. Pasangan Melissa Rycroft (The Bachelor), enggau Tony Dovolani, pasangang Cheryl Burke enggau Gilles Marini (pelakon/model), alu penudi iya pasangan Shawn Johnson (olympic gymnast) saduai Mark Ballas. Ketiga-tiga pasangan tu sigi landik alu patut masuk final.

Kutai aku bisi mantai video clip pasangan Gilles Marini enggau Cheryl Burke. Tang demalam aku ngundi pasangan Shawn Johnson enggau Mark Ballas.



Ba pekit tu, peminat mina tau ngundi 5 kali aja ngena siti lumur telipun, enggau 5 kali ngena siti email address. Ba rumah aku bisi 3 iti telipun, alu aku ngena semua telipun nya ngundi Shawn saduai Mark! Aku enggai kiroh ngena email tang enti ka, enggi aku empu udah bisi 5 iti email address, er enti di kena ngundi ulih nganjung 25 iti undi ka Shawn saduai Mark. Apu, rugi enda enti Shawn alah laban Gilles tauka Melissa!

Dua iko Olympian (Apolo Anton Ohno ari season 4, enggau Kristi Yamaguchi ari season 6) udah masuk final ba pekit tu, alu kedua dua saduai menang. Kati nasib Olympian Shawn Johnson malam tu? Champion mega?

Nya meh utai dikarap aku ngambika enda lebu nganjung undi!

Update:
Masang dua iti TV sekali ma udah jam pukul 9.00 malam?     Heheh, enda ibuh!  Aku baru udah meda AI live online!   Woohooo!  Final nya mina sejam.  Diatu benung meda DWTS result show online mega, laban enggai laun ka nemu sapa champion season tu!