Leboh aku download video ba YouTube, aku mega macha sekeda komen ka ditinggal bala pasal siti siti lagu dia. "Kenangan mengusik jiwa," ko siku, "kenangan evergreen", ko siku agi.
Lagu lagu lama tu ditemu sekeda bala anembiak kemaya hari diatu laban taja lagu lagu tu lama, iya popular enggau bala ka rindu bekaraoke. Lagu P.Ramlee enda ibuh sebut, endang popular, semadi meh nuan nya diau dalam gua! Nadai kebuah enda nemu pasal lagu tauka lakunan P.Ramlee laban bisi Teater Klasik ba TV.
Siti lagu P.Ramlee ti pemadu dikerinduka aku iya Jeritan Batinku, lagu diambi ari wayang Ibu Mertua Ku. Aku rindu ninga versi dibai Anita Sarawak tang aku nadai tetemu versi Anita Sarawak ba You Tube.
Orang bukai ti bisi mai lagu tu nyengkaum Wann, Hetty Koes Endang, Jamal Abdillah, Siti Nurhaliza, enggau Dayang Nurfaizah. Klik ditu enti ka meda/ninga P.Ramlee main saxaphone
lagu nya.
Lebuh ka begigaka video ti ka didownlaod, aku sempat mega meda video Dayang Nurfaizah enggau Sean Ghazi belagu lagu P.Ramlee. Fuh, sigat amat Sean!
Lagu ka didownload deka diupload ngagai iPhone awak ka bisi dinga/dipeda lebuh ka ba rantau jalai ma mindah jauh. Nostalgia meh asai lebuh ninga lagu lama tu!
Nuan bisi ngena "Limewire" ? Aku agi ngena nya taja bisi software bukai, kala bulih lagu Melayu ngena programme P2P nya, ka bebendar agi ngiga baru bulih lagu.
ReplyDeleteAku enda kala ngena Limewire. Aku download video lagu ari YouTube aja ngena Firefox plugin. Manah plugin tu laban ulih convert video ngagai mp4, ulih diupload ngagai iPod/iPhone. Bisi siti lagu melayu ti digiga aku .. nama lagu pan enda ingat agi, nama kumpulan ka mai pan enda ingat, tang enti aku ninga lagu nya, nemu aku lagu nya ... isssh, amat lama aku nadai ninga lagu nya!
ReplyDeleteRindu amat rindu ninga serta meda video lagu lama P. Ramlee !
ReplyDelete