Lebuh ka mansa bukit ba rantau jalai, aku tak geram diri meda tisi bukit penuh laban bunga babas. Pagi hari enam enda teranti aku niki ka bukit ba tanah entua aku ba Los Osos ditu. Amat geram aku meda! Taja penyampau bunga enda ngemayuh ka dipeda aku ba rantau jalai, iya umbas nyadi subjek fotografi aku.
Aku geram amat laban sekeda gambar aku enda entu terang laban bisi angin mimit muput pagi nya. Sahari tu enda ulih ngambar sida bunga laban angin bangat agi ari kemari.
California Golden Poppies ba tisi jalai niki bukit.
Rindu amat aku meda bunga ba tisi bukit tu. Ngachit mengachit kamera, wai!
Valley Lupine. Galak amat ba bukit ditu.
Maya kami ka Los Osos bulan dua kutai, bunga tu (Blue Dicks) sigi udah ayan tang enda ngemayuh bulan empat tu. Akai, rindu amat meda!
Bunga Thistle.
Bunga clover.
Pagila, hari satu, endang hari Doug off. Mupuk meh kami pulai ka Galt laban hari dua lagi bala anak bisi perasa enggau lutur. Minggu tu berengkah kemisi Easter Break sekula sida.
Nyamai asai isi ngenang! Lelak udah dani tumu nganjung bala anak nurun sekula! Aku ka meh enggau orang diau kemisi!
No comments:
Post a Comment