"Sapa bulu biru nyin?" kada enda nya runding burung Western Bluebird lebuhka meda aku ari jauh. Keterubah iya ba tuchung pun apricot alai iya. Udah iya tepeda ka alu, alu terbai semak agi. Makin lama makin semak iya terbai. Aku bendar ka ngelalai ka diri enggaika iya terbai ka bukai tang burung nya tak majak nganjung diri semak.
Ahh, nya baru aku sedar. Aku ngena baju chelap biru, sebaka amat enggau kaler bulu iya ga! Engka nya ti ngasuh iya enda takut - ka ngabas sapa burung baju biru nyin! Amat tak nganjung diri iya ka meda semak agi. Dataika inggap ba perabung semak endur aku bediri iya ti ngabas aku.
Burung Western Bluebird indu (bini iya) pan sama ga nitih. Tang iya mina nitih ka laki, ukai tegal ti ka ngabas aku. Iya ka bulu biru muda nya indu. Sempat limpang nyenguk ba chermin dapur aku burung indu nya.
Nyelai ga jelu burung. Iya ka indu nadai mayuh macham kaler. Iya ka laki ... apu, enti mensia, jeles kitai indu meda pemanah gari lelaki baka nya!
puuuu...baka ke utai di gaga pemanah bulu burung 'western bluebird' nya !! sigi tunsang ba sida jelu tauka burung, lelaki bengepan sigat agi ari indu. laban indu ba sida iya kelalu milih !! nya alai lelaki manah agi 'ngepan' kena nguntik sida ke indu !! ;p
ReplyDeleteMaiyuh ndar baka sida bansa burung bak area rumah nuan neh wai? Ka mai nutu bak semak alai kitak diau. Ditu, bisi meh burung mit bakanya,tang, aku sigi nadai benasib ngambi gambar sida ia. Ninga pintu sliding door bemunyi mimit, alu neh! terbai! Ceh..
ReplyDeleteEndang iya ba animal kingdom. Sida laki ti ngepan! Laban enti enda sigat, enda laku! Nya dikena sida ngulih indu!
ReplyDeleteCharlene, sigi mayuh burung ba kami ditu. Mayuh pun buah, mayuh farm land semak ditu .. mayuh pemakai sida. Enti nuan ka attract burung ba backyard nuan, sedia ka sida bird bath enggau bird feeder .. udah sida telaba, enda sida takut meda nuan.