Kesulai

Swallow-tail Butterfly

"Look, Mommy! A butterfly!" ku bala anak nunjukka kesulai ti nutu bunga ba mua rumah. Saduai alu diasuh aku beguai tama ka rumah enggaika kesulai nya terbai ka bukai enti saduai nyemak ka diri ba bunga alai kesulai nya.

Beguai ga aku ngambi kamera, alu pansut baru ngambar kesulai nya. Enggai enda dia ga mayau aku maya nya ngambat kami ka baru datai. Laju agi ga aku ngachit kamera laban enti mayau nya meda kesulai tentu iya deka nerekam kesulai nya.

Ka aku ngemba mayau nya dulu, tang enggaika maya aku ngemba lagi, terbai kebukai ga kesulai nya. Abis enda betul aim kamera. Ni ka setengah aja sayap kesulai ayan laban ti beguai.




Bad Kitty! Ukai enda iya ngambi peluang nerekam kesulai. Nasib ga enda bulih. Lalu meh kesulai nya terbai ke bukai. Dianti datai baru sahari nya, ni nya ka pulai kia baru. Kapa nganjung diri diterekam mayau!

Tak agi belala aku ngambar kesulai nya. Amat nadai kala aku meda kesulai bansa nya taun dulu. Iya ka selalu nutu bunga ba mua rumah aku nya mit, alu nadai mayuh macham kaler. Maya musim panas lagi baru sida kesulai mit nya rami.

Naka tu aja cherita aku sahari tu!