Daddy!

Orang ke penudi iya pansut ari Arrival Hall meh Doug demalam. Beg orang ti datai ari menua tasik mina di screen aja. Mina Doug siku aja diasuh orang muka beg laban bala Kastam ka meresa. Bisi meh utai dalam beg iya nya ti nyelai dipeda ba scanner!

Tang iya sigi landik ngaga cherita, alu nadai meh iya kena tax. "I've been to 3rd world countries before, and I know how to deal with Customs!" Irau ga aku laban utai dibai iya nya utai diasuh bai/dibeli menyadi aku ke iya.

Nyu udah tengah malam jam maya ke datai ba rumah. Laban ti rindu amat meda Daddy udah datai, pedis amat ngeninduk saduai dua iku ke mit nya. Pagi tadi, meda Daddy angkat alu beguai ga saduai angkat.

Kami empat makai ba pasar ngati ke diri laban apai enggau indai aku ka ke Pos Opis alu meli lauk, nya kebuah enda enggau kami. Tambah mega kami empat sigi laun angkat ari rumah. Dulu meh Doug ngudar laksa ari utai bukai! Aku ngudar mee jawa. Boleh tahan ga mee jawa ba kedai kupi siti tu.

Udah nya kami raun tunga eMart kin - ngagai farmasi, kedai hardware, kedai SuperSave.
Bedau ka mindah ke bukai laban agi lelak Doug - jet lag.

Bah, naka tu aja cherita sekali tu!

Daun Ubi & Upa Kechala

Maya beberus ngeli baru tingatka diri nadai ngambar lauk daun ubi tutuk enggau upa kechala gulai ikan pusu enggau belachan ti udah mansau!

Tanda kitai udah lama meliur nganti lauk mansau meh nya! Sereta duduk makai alu nyengkau menyengkau ngisi pinggai. Udah nya nyuap menyuap asi. Akaidai, nya baru sendat asai tanchut udah badu makai. Baru iya meh aku makai upa kechala di guring enggau pusu enggau belachan.

Lemai kemari ipar aku bisi bejalai. "Bah, nuan ka makai daun ubi tutuk enggau upa kechala?" ku iya nanya aku. "Lagi aku manduk ke nuan." Tau enggai aku ma orang udah madah ka berapi ka kitai?!

Aku mina ngemata sereta ngambar ipar saduai indai aku ngulih daun ubi enggau upa kechala. Nyamai amat laban pun ubi enggau pun kechala ba tisi rumah. Udah nya aku alu telipun ipar aku ke siku da, ngasuh iya datai awakka ulih enggau beserumpu makai malam nya. Peda aku tegar agi ga niece aku makai ari kami ke bukai! Sigi lauk ti dikerindu iya, ku iya.

Bah, nama lauk kita sahari tu?

Misai Kucing

Taun nyin kemari aku bisi meli sekutak teh misai kucing (Orthosiphon Stamineus). Aku bisi macha daun misai kucing bisi ngundan pemanah ti tau nuchi buah pinggang (kidneys) enggau sarang kesing (bladder). Datai aku di Miri sekali tu meli sekutak ga aku ngambika bisi di irup ditu.

Menyadi aku siku, meda teh misai kucing aku nya, alu nguji ngirup. Nyamai isi iya, ku iya. Nya meh saduai indai aku bekareh mai anak pun misai kucing ari menua ngambika bisi di tanam.

Bunga ari pun misai kucing indai aku meh gambar di atas nya. Enti ka ngirup teh, daun misai kucing (meninga empat iti) tau di rendam ba sechangkir ai angat. Nya meh di irup.

Teh misai kucing tau nulung ngurang pedis tulang kelebih agi penyakit gout, manah ke orang ti bisi tinggi kolesterol, darah tinggi, enggau penyakit kencing manis.

Chukup macham teh bisi dijual ba supermarket Asia alai aku selalu suping ba Sacramento din tang aku apin meda teh misai kucing. Nya meh enggai enda mai sekutak dua lebuh aku pulai tu lagi!

Temuai

Lemai kemari indai ti ngada ke Denice bisi nemuai ngagai kami. Laki iya enggau anak mit saduai bisi sama datai.

Malu tudah Denice, enggai malik ngagai bala ka bisi datai. "Look, your baby brother," ku aku madah ngagai iya, enda meh iya entu ibuh. Munyi ku aku kutai, enda meh kitai nemu nama utai ti mansa runding iya lebuhka meda indai enggau adik (half-brother) iya.

Maya aku ti ngambar sida, nyu semadi iya ka duduk berimbai enggau adik iya. Semadi Duncan enggau duduk dia baru iya mansang.

Sekumbang kami ke bisi pulai taun tu, baru kedua kali kami ti udah betemu. Aku ngasuh petunggal aku nya datai baru minggu tu ila, maya Doug bisi ditu. Diatu laki iya kereja malam, ulih bejalai ngagai kami lebuh siang hari. Taun nyin kemari tak mupuk diri kami, sekali nadai meh betemu. Nadai orang nganjung kenu.

Bala anak udah gagit beitung ke hari nganti Daddy datai. Au, udah ba pengujung meh kemisi musim panas kami taun tu!

I miss Nikki

Lelengau endar Duncan ke mayau iya. Nyu ngasuh aku mandang ke iya gambar mayau. "Oooohhh, she looks so cute! I miss Nikki, Mommy," ku iya lebuhka meda gambar mayau nya demalam. "Show me the ones of her on the roof!"

Nya meh, nyu ngupah anak kawan (Kathy) kami ti diau enda jauh ari rumah kami nulung ngemataka mayau lebuh Doug mupuk ke Malaysia minggu tu lagi. Pagi hari beri makai alu asuh pansut ari rumah mayau nya. Malam hari asuh tama alu beri makai. Jamban mayau alu diberesi ga. Enti Kathy empu ngereja tu, sigi enda bebayar laban maya iya mindah, Doug ga nulung ngemata mayau, ukui enggau keledai iya. Au, keledai! Dua iku miniature donkeys Kathy.



Nya kebuah suba kami enggai entu nupi mayau tauka ukui. Amat kiruh endar enti kitai mindah. Enti kawan enda ulih nulung, enggai enda dianjung ngagai pet boarding ga sida jelu tupi kitai. Kasih endar ngenang sida dikurung lebuhka diintu ba pet boarding. Tang nadai ku enggau enti udah nadai orang ulih nulung kitai.

Bah, naka tu aja cherita sekali tu.

Cherita Semadi Nadai: Buntak

Semadi nadai cherita, nya meh gambar buntak dibantai ditu!

Bala anak ka endar meda cherita Ben 10 ba TV, cherita anak mensia ti tau nyadi monster/alien belaban enggau monster/alien.

Tiap kali aku meda gambar buntak tu, endang amat baka monster meh gamal iya peda aku! Nya ga pemanah utai diambi ngena lens kamera. Tampak agi utai dipeda ari utai dipeda leka mata kitai empu!


* Pengajar, nama jaku "monster" ba jaku Iban? Gerasi? Antu engkeramba?

P.S. Ku Pengajar, salin jaku "Monster" - bunsu antu/gerasi; bunsu remaung; bunsu kamba'

Makai malam enggau pangan lama

Tu gamal pemakai aku demalam. Undang, kerang, ikan, oyster .... aiyo! Sigi pemakai ti dikerindu! Seleka asi nadai meh negu!

Kami tiga makai buffet ba Park City kena kami ngintu hari pengada pangan ti bebaju mirah. Lama kami tiga nadai betemu makai baka tu. Iya ke ngintu hari pengada nya ngelama tu gawa di KL alu baru bulan empat tu tadi transfer pulai ke Miri. Maya aku bisi pulai ke Malaysia sigi selalu ga betemu enggau pangan aku tu di KL din.

Nya meh, penyuah aku bisi pulai ke Miri, baru sekali dua kini kami tiga tu ulih betemu makai baka tu. Rindu amat ga berandau enggau bekenang pengawa kami tiga kelebih agi maya kami ti agi biak suba. Teritik ai mata bai ketawa ngingat ulah kami empu enggau ulah bala ti enggau begulai maya nyin suba!

Taun beganti taun, tak enda berasai umur nyu manggai "middle age"!


*Pengajar, bisi jaku Iban jaku "middle age"?

Bemain ba Tasik Batu Satu

Lemai kemari kami tiga menyanak enggau petunggal saduai dua iku (diri menyadi) bisi ke tebing tasik ba Batu Satu. Kebuah kin, ka ngambar mata panas padam kenu. Tang ni mata panas bisi digambar? Remang nyu tebal ba tisi langit.


Ngambar bala anak bemain ba tebing tasik enggau ba ai meh pengujung iya. Anak menyadi (niece) aku siku ti benama Marion, rindu amat ngambar saduai dua iku ke mit bemain. Menyana agi gambar diambi iya ari gambar ti diambi aku!


Ninjik ga mua langit manah dipeda lemai nya. It more than made up for the disappointing sunset!


*P.S. Pengajar, kati bisi jaku Iban jaku "horizon"? Ukai enda mayuh agi utai ka ditusui aku ditu, tang kaju amat ka nulis ngena jaku Iban! Enda entu nemu describe ngena jaku ti lanchar agi ... using a more descriptive language! Tulung sereta ajar kami, Pengajar!

Ice cream cake party

Kena kami menyanak ngintu hari pengada Duncan, kami bisi ngangau bala petunggal iya makai kek enggau ais krim.

Nadai mayuh macham menu party nya - kek, ais krim, manuk KFC, alu mee enggau asi guring ti dibeli ari kedai kupi Wong. Pemakai dua iti nya kena ngemantup nyawa bala kami ke besai tuai. Enggai nyawa dibai makai kek enggau ais krim aja!

Tu ke tujuh kali Duncan ngintu hari pengada iya. Mina dua kali aja Daddy iya bisi enggau ngintu hari pengada iya. Kami tiga menyanak di Miri belama maya ti ngintu hari pengada iya. Sinu ga iya ngenang Daddy nadai enggau iya ngintu hari pengada iya taun tu. Lebuh kami duai bepeda ke gambar, iya ngasuh aku ngayan gambar Daddy ti besai sekali - I miss, Daddy, ku iya. Gambar saduai nimbak maya kami camping pun bulan lima tu tadi meh ti dikerindu iya.

Minggu nyin lagi datai Doug. Reti nya nyu udah datai ba pengujung meh pemisi musim panas kami ke taun tu.

Ni bala kitai nadai ka nemuai ngagai menua kami di California din? Anang enda madah ma bisi nemuai!

Happy Birthday, Duncan

May your day be filled with joy and laughter

May God's blessings be upon you the rest of your life

Happy 7th birthday, my precious son!

Pagi Tadi

Ngumba amat ga hari, enggai enda ujan maya kitai ti ka nurun ke pasar! Tang ninjik ga ujan enda bangat sereta enda lama. Bala anak enda enggau laban Duncan agi begulung atas katil, alu Denice enda nyadi enggau meda anak ukui dua iku ba luar. Takut, laban anak ukui dua iku nya ka endar betiki ke orang! Mina kami duai mindai aja nurun ke pasar.


Sigi makai sida mee enggau ngirup dulu ba kedai kupi sebedau bebeli sida sayur ba market. Pagi tu aku ngudar mee jawa. Lama udah enda! Boleh tahan ga asai iya, laban lama udah enda!

Sebedau kami duai mindai pulai ke rumah, ngetu ba supermarket ti enda jauh ari rumah dulu. Nganjung indai aku meli minyak buk. Hmmm. Semadi udah dia, meli sida ruti Twisties ke bala anak, meli tisu .....

Udah aku ke nganjung indai aku pulai aku alu pansut baru, laban ti ka nuchi buk ba kedai buk seberai supermarket nya tadi.


Hmmm, enda berapa kedai buk siti tu, nadai majalah Melayu ti dikerindu aku dia! Mina majalah jaku Cina! Mina ngebak meda gambar meh nya. Dia aku tepeda ka gambar Mr Bean bakaka dibantai aku ditu. Geli ati diri aku meda laban ti ka ninting hari meda siri Mr Bean ba Disney Channel enggau bala anak. Ngumba gamal Mr Bean digaga baka gamal Mona Lisa, megai Teddy agi nya!

Bah, naka tu aja cherita sekali tu!

Raun Lemai Hari

Lemai kemari kami tiga menyanak enggau pangan aku, Evelyn, bisi bejalai ba Mariner Bay. Aku empu endang enda kala kia, tang lemai kemari endang sengaja ngipa mata hari padam. Siti aja penyalah, mata panas ti benung padam diserayung remang. Ni nya ka manah gamal sunset?


Bisi dua iku nembiak cina datai dudi ari kami mai kamera lawa saduai. "Wah, too late, miss the sunset," ku siku.

"No you didn't miss it, the sun is hidden behind the clouds," ku aku.

Mayuh bala betawaing duduk ba batu ngemataka sunset lemai nya. Sigi manah amat ga alai nya dia, alai kitai duduk romatik enggau pangan diri ngemataka mata panas padam!


Rindu ga aku ngambar utai bukai dia, kena pritis ngambar utai lemai hari. Enti siang hari, aku nadai mayuh macham, pasang aja auto ba camera, alu ngachit meh dia! Pritis dulu, laban maya aku di KL tu ila, aku ka raun ke Putra Jaya, ka ngambar utai dia lebuh malam hari! Rindu amat meda utai digambar sekeda ka udah ngambar menua nya lebuh malam hari. Ka nguji ga deh.


Evelyn mai kami niki ke restoran, tang aku enggai. "Nganti Doug udah datai ila ga kitai kitu baru," ku aku. Sayau amat ga prujik Mariner Bay nya tejanggal. Enti enda manah amat resort nya dia. Enti enda bisi ga kitai di Miri tu utai baka Santubong Resort, neh.

Pagi tu kami tiga menyanak enggai mindah. Apai enggau indai aku ke pasar meh, tang kami tiga agi bebaju tinduk dalam rumah. Lembau asai ka mandi tumu, begari alu pansut. Ka relek mimit!


**Terima kasih ngagai bakih siku ti udah nulung meri leka jaku Iban ti sama reti enggau "terbangkalai", enggau "berdua-duaan". Nitihka bakih siku tu (ukai nuan nya Pengajar Luna???) jaku "mata panas ti benung padam diserayung remang" betul agi ari "mata panas ti benung padam dilindung awan". Terima kasih!

Bemain ba Kulam Renang

Berapa minggu udah kami menyanak nadai nganjung diri bemain ba kulam renang. Aku meda Duncan sirut sirut berinsak, lembau ga ka nganjung saduai bemain dalam ai, enggai tak alu majak renga lagi.

Pagi tadi udah kami nyangkaika sida apai indai aku ba Dialysis Center kami tiga alu terus ke kulam renang. Nyamai amat laban enda jauh ari Dialysis Center.

Sekali tu baka ke kutai, kamera, laptop enggau Celcom broadband bai sama. Enda tak mina rauh rauh ngelara bala anak ti bemain dalam kulam! Bisi ga jam dikena betulis ke blog!

Bau!

Kemari ipar aku bisi mai aku bejalai ba Bintang Plaza. Kepuas kami duai bejalai, nyu aus asai tudah nyawa. Alu ngetu ngirup sereta makai ruti mimit meh kami duai. Udah nya alu tama ngagai kedai 2 iti agi.

Akai, ka kemik asai, alu beguai kami duai ngiga jamban. Apin tama jamban udah ngesuh bau kesing. Sereta iya tama, ipar aku alu tekuak kuak laban ti enggai ensium bau ti ngemalat nya. "Kati nuan tan nyium bau tu?" ku iya nanya aku.

"Iya ga tat ke seput", ku aku ga. Aku enda lama dia, alu beguai pansut. Ipar aku nya laban ti tekuak kuak dia, ujung-ujung nyu lama diri iya dalam jamban bebau nya.

Tang lebuh aku ke nganti iya ba luar, pansut ari jamban siku ari orang tuchi dia. Dua iku berandau ba mija alai sida ti ngumpul duit orang ti ka tama. Mut mut enggau masam mua tukang tuchi tu tadi.

"Nemu jamban nya mayuh orang ngena, tentu lah bebau. Enti enda tan anang ngena. Nya nyu temutah mutah!" ku iya kumplen.

Akai, sereta aku ninga nya, alu saut aku. "Kati ku deh, enti udah enda ulih tat? Utai ga bebau dia. Reti enda beresi tuchi meh nya."

Enda malik iya ninga aku ngaga jaku munyi nya. Siku ti bediri ngimbai mija melut mata malik ngagai aku alu senyum kambin ninga jaku aku.

Kati ku deh? Iya bebayar ga kitai tama ngena jamban dia. Tentu kitai ngarap tempat nya beresi agi ari tempat ti enda bebayar! Ipar aku enda meh nemu tukang tuchi nya bisi ninding ke diri ti enda entu nuchi jamban enggau beresi.

Amat pama kitai Iban diatu. Nemu ringat tegal orang ti tekuak kuak nyium bau jamban ti kurang beresi. Enti enda nemu meresi utai, ngiga kereja bukai kitai. Ngangkat kupi kah .....

Betemu enggau KS

Pagi kemari udah kami duai indai aku ke pasar tamu kami alu ngetu makai pagi ba kedai kupi Beijing Roast Duck ti sama lirit enggau Hot Cross Bun Bakery. Aku enda meda sida Kumang Sedinang sebilik endang udah duduk ba kedai kupi nya, semadi indai aku madah bisi orang nyapa aku.

Gaga amat aku betemu enggau iya laban berapa minggu aku ti ka bejalai ngagai iya. Apin Gawai tu tadi aku bisi ngudar kek buah ari iya, alu rega kek nya alu apin dibayar. Beguai meh aku nyua duit nya ngagai iya lebuh kami ke betemu!

Udah kami ke berandau iya alu mantai ka handphone alu ngasuh anak indu iya ngambar kami duai ngena kamera handphone, udah nya aku alu mantai kamera aku ga!

Udahka tama dalam kerita, aku alu nyermin diri. Apu, mati kitai begambar mai idung bekerak!

Sigi baka kitai begari enggau ngerias diri dalam petang laban bala anak agi tinduk maya ka nyendia diri pagi tadi! Semua utai mai aga aja!

Pasar Tamu

Pagi tadi, udah kami duai indai aku nganjung menyadi aku siku ke airport, kami alu ngetu ba tamu semak market ikan di pasar Miri ditu. Ngemayuh nya ga mensia ti bisi ke pasar pagi tadi. Nyu puas bepusin baru tetemu ka alai ngepark kerita, nindik ga semak market nya.



Keterubah iya bejalai ba pasar tamu nya empu, tang lebuhka meda utai dijual sekeda bala ti duduk ba tisi jalai, alu kin kami duai. Ikan keli, petai, chabi mata, upa pantu, jagung meh sekeda utai dibeli.



Udah nya aku alu bejalai ngagai orang ke bisi nyual burung. Asaika enda tau agi nyual burung tu kitai tang engka sekeda bala enda nemu. Aku alu ngerandau nembiak indu ka duduk bejual dia. Laban ti udah begambar ka utai dulu agi ari nya aku alu ngachit mengachit kamera dia. Mina burung enggau tekura ka dijual iya dia ke digambar aku.



Enda lama udah nya ari seberai jalai indai nembiak nya bejaku, "Enti siku nya agi ngambar utai, pinta 10 ringgit siti gambar!" Enda rindu meda aku ngambar utai dia meh iya nya!

"Apu", ku aku bejaku inggar. "Ngumba bala Iban, nyau nemu bepinta ka duit tegal orang ngambar utai! Uji pandang ke lisin nuan betamu ba tisi jalai tu dulu!" Amat pedis endar ati aku ninga jaku indai nembiak nya. Apai tuai orang ti betamu ngimbai nembiak nya sigi ninga utai disebut aku.

Pelaba aku enti agi ba tempat awam, nadai salah kitai ngambar sebarang utai ti deka digambar kitai. Nya aku alu tingat ka apai tuai Laos ti nganu aku ngambar mija sayur iya ba market di Galt din! Amat bisi orang ka enda berapa!

Ba menua Amerika din, seagi tempat nya tempat awam, nadai orang tau nagang nuan ngambar utai tauka orang ti bisi ba tempat nya. Ku jurugambar ti ngulu workshop ba library kutai, "If he says "Boo!" to you, say it back to him" ku iya lebuh aku nyerita pasal apai tuai ari Laos ti nganu aku.

Burp! Sori, terai bai makai jagung ti dibeli ba tamu tadi!

Kaki Bangku

Lemai tu tadi aku bisi be-sms enggau Lyana. Iya madah diri iya ka pegi "poco poco nite orang kawin." Aku alu nundi iya, ngasuh iya video diri iya be-poco poco. "Kudi hari!" ku iya, laban iya kaki bangku!

"Kaki bangku pan, tau meh diansar ba atas tikai", ku aku ga!

Bisi pangan aku siku ngajar aku basic steps poco poco. Udah nya aku beratika chara tanda Electric Slide, tanda Country and Western Dancing. Nama nya sebaka enggau poco poco deh? Eeeh, bala Indon nunda tanda Electric Slide alu meri nama iya poco poco. Kitai di Malaysia nunda ga alu nya nyadi tanda rasmi ma bisi pengerami.

Uji perati ka basic steps Electric Slide ba video tu. Poco poco? Tau meh aku belajar bepoco ari video tu!

Gara gara ngena prepaid web browsing

Gaga amat aku kutai laban iPhone aku udah ulih ngena DiGi sim card laban iPhone aku nya udah di jailbreak enggau di unlock. (Enti enda di jailbreak enggau di unlock, iPhone aku nya mina ulih dikena ngena sim AT&T laban ti udah dilock kempeni AT&T.)

Tau ga ngecheck email, update Facebook tauka meda internet lebuhka buring nganti orang nuchi bok tauka nganti sida apai-indai aku pansut ari Dialysis Center. Enda lebih RM 5 sahari chas DiGi enti ngena internet. Oh, enda nya mar iga, ku ati.

Tang kutai, nadai muka FB, nadai ngecheck email, nadai ngena internet, tak bisi pansut mesej madah limit RM 5 hari nya udah penuh. Ahhh?!

Sapa kitai enda tekenyit meda RM 5 credit udah kena putung? Munyi ku aku tadi, nadai bisi ngena internet aku sahari nya! Peeeiii!

Bekareh meh ngiga chara nutup cellular data ari iPhone. Ngelama tu aku enda nemu nama reti cellular data ti tau di pasang ON tauka OFF ba Settings iPhone. Paduhal enti enggai cellular data (web browsing, FB, email etc) otamatik bejalai pasang OFF ngambika enda kena chas laban iPhone nya nemu update email enggau FB kediri. Enti ka ngena internet nya baru nge-ON iya baru!

Live and learn, ku ribai!