Kena kami menyanak ngintu hari pengada Duncan, kami bisi ngangau bala petunggal iya makai kek enggau ais krim.
Nadai mayuh macham menu party nya - kek, ais krim, manuk KFC, alu mee enggau asi guring ti dibeli ari kedai kupi Wong. Pemakai dua iti nya kena ngemantup nyawa bala kami ke besai tuai. Enggai nyawa dibai makai kek enggau ais krim aja!
Tu ke tujuh kali Duncan ngintu hari pengada iya. Mina dua kali aja Daddy iya bisi enggau ngintu hari pengada iya. Kami tiga menyanak di Miri belama maya ti ngintu hari pengada iya. Sinu ga iya ngenang Daddy nadai enggau iya ngintu hari pengada iya taun tu. Lebuh kami duai bepeda ke gambar, iya ngasuh aku ngayan gambar Daddy ti besai sekali - I miss, Daddy, ku iya. Gambar saduai nimbak maya kami camping pun bulan lima tu tadi meh ti dikerindu iya.
Minggu nyin lagi datai Doug. Reti nya nyu udah datai ba pengujung meh pemisi musim panas kami ke taun tu.
Ni bala kitai nadai ka nemuai ngagai menua kami di California din? Anang enda madah ma bisi nemuai!
hepi bday cute boy. cute amai anak nuan nya puteri. nda berasai nyau meda sida ya besai ila... hehehe.
ReplyDeleteNya meh, asaika tak kemari saduai iya baru bejalar bejalai! Masuk 2nd Grade saduai bulan lapan tu ila.
ReplyDeletesuba g kecik seduai maya dua taun lepas aku g mengikuti blog nuan... diatu nyau tekenyit aku meda seduai nyau besai g.. hehehe
ReplyDelete