Maya beberus ngeli baru tingatka diri nadai ngambar lauk daun ubi tutuk enggau upa kechala gulai ikan pusu enggau belachan ti udah mansau!
Tanda kitai udah lama meliur nganti lauk mansau meh nya! Sereta duduk makai alu nyengkau menyengkau ngisi pinggai. Udah nya nyuap menyuap asi. Akaidai, nya baru sendat asai tanchut udah badu makai. Baru iya meh aku makai upa kechala di guring enggau pusu enggau belachan.
Lemai kemari ipar aku bisi bejalai. "Bah, nuan ka makai daun ubi tutuk enggau upa kechala?" ku iya nanya aku. "Lagi aku manduk ke nuan." Tau enggai aku ma orang udah madah ka berapi ka kitai?!
Aku mina ngemata sereta ngambar ipar saduai indai aku ngulih daun ubi enggau upa kechala. Nyamai amat laban pun ubi enggau pun kechala ba tisi rumah. Udah nya aku alu telipun ipar aku ke siku da, ngasuh iya datai awakka ulih enggau beserumpu makai malam nya. Peda aku tegar agi ga niece aku makai ari kami ke bukai!
Sigi lauk ti dikerindu iya, ku iya.Bah, nama lauk kita sahari tu?
nyu tekenang ke madang kechala ba tisi rumah aku di lutong dia ke nyu abis kasak bala kitai ke bisi share engai indai bekebun dia - nyu ngena guni berangkut ke upa kechala ( gaga mat sida nyual nya ba tamu din) - tetenguk belauk ubi tutuk gulai upa kechala slurpppppp
ReplyDelete