Enda sinu meda mayau aku nya disimpan dalam sangkar? Peda gamal iya ngunjur ka jari iya, minta dipansut ari sangkar.
Ba menua kami ditu, nya meh chara mai sida jelu mit mindah. Pagi kemari aku mai mayau aku nya ka Veterinary Hospital ... beputung, ngambika iya enda ulih beranak.
Aku sigi enda kala mai sida jelu ngagai spital jelu ba menua tu laban nadai kala nupi sida mayau tauka ukui. Rami endar ga spital nya, nyu asai ka dalam spital/klinik kitai mensia! Hari tiga endang hari orang nganjung sida mayau enggau ukui beputung.
Nya meh gamal mayau aku maya aku ngambi iya ari spital. Mabuk gamal tedah .. pejalai pan enda stidi.Siti utai ngasuh aku geli ati lebuhka ngenang pengawa aku kemari.
Aiee, namahal gamal mayau nya tak besai agi? Iya amat mayau aku dibai aku pulai nya? Namahal iku iya baka ka enda chukup panjai, sumit pan enda panjai? Anang anang mayau orang dibai aku pulai!
Bekareh aku telipun ngagai spital nanya! Iya ga pagi nya bisi siku mayau orang nyu ka baka gamal mayau aku, mina iya besai mimit aja ari enggi aku. Mayau orang nya dianjung beputung ga. Bekareh orang ka enggau aku bejaku ba telipun ngechek ka aku.
"Nadai ah," ko iya udah iya ka ngechek. "Endang mayau nuan dibai nuan pulai nya! Iya ka siku ti ka baka enggi nuan nya, panjai agi bulu iya", ko indu nya ga.
Sigi amat mayau aku ga nya. Dua tiga jam udah nya, baru gamal iya mulai baka gamal iya selama. Nyu regas mimit gamal iya udah nya. Pagi tadi ulah mayau baka selama ga ... manchal baka selama, engkejuk ka empakap ba kaki aku lebuh aku ka bejalai mansa iya!
Jampat endar ga gerai! Tang malam tu lagi iya agi diberi ubat ngenanka pemedis. Iya apin tau lepas diluar din enggaika abi putung iya buruk.
Ko Duncan kemari, maya aku ngambi iya pulai ari sekula, "If anything happens to the kitty, I'll be so mad! You will have to get me another kitty if anything happens to her!" Siru endar iya ka mayau nya!
Hehe... Geli ati ka nuan ngumbai saru mayau...
ReplyDeleteMayau aku suba maya mai ia pulai ari Vet, enggai ia dalam sangkar. Minta pangku... Naka ia manja amat...
Chris, nemu nuan, nyu bebanding ka gambar mayau nya enggau batang tubuh mayau nya empu meh ulah aku! Duncan enggau aku manding! Heheh, amat kesal aku enggaika tak mayau orang dibai aku pulai!
ReplyDeleteNgumba mayau nuan, nemu manja! Heheh.
Ooo...tau peputung ga sida mayau neh..baru meh aku nemu. Ti diberi makai pil perancang ulih enda ngasuh mayau enda beranak neh?
ReplyDeleteAdeh adeh baru nganjong mayau nuan ngagai vet piak y? Hehe. Beputung mayau nuan piak? Paduhal. Nama enda di beri ka sidak kolar bak rekung ia deh? Awak ia enda mala begaru tauka nilat abi jait nya. Udah beputung ila, ka gemuk ia ila wai.
ReplyDeleteAnna, haha, nyampau meh mayau diberi pil perancang!! Beputung meh mayau aku nya .. mesti diatu laban enda lama agi dalam "heat" iya alu mayau laki jiran aku nutu iya. Bisi 2 - 3 mayau laki sida jiran aku .. selalu dipeda sebelah tanah aku ditu.
ReplyDeleteCharlene, amat baru iya meh aku pegi vet ba menua tu laban baru iya ga kami tu bisi pet! Bala sida ansa enda kira, enda ibuh dibai ka vet! Nadai ga aku meda mayau aku nya bedilat ka abi iya. Sekali aja aku meda iya that day, so far nadai iya ngachau abi putung iya nya. Aku enggai ngasuh mayau aku kelalu gemuk .. bisi endar appetite iya diatu peda aku laban iya nyu besai agi. Kasih amat aku meda sekeda pet orang nyu obese!!!