Cherita Burung

Maya aku ba sida entua aku tu tadi, aku bisi bejalai ba kebun bunga iya ngambar sida bunga enggau biew dipeda ari belakang rumah iya. Enda mukai mukai burung hummingbird siku alu terbai ba mua aku nutu bunga ka digambar. Sempat kena gambar meh burung nya. Sayau amat maya iya nunga bunga, aku enda sempat ngambar iya. Kelala endar bunyi hummingbird nya. Hari siti aku betitih ka bunyi burung tu, tang mina ulih ngambar iya ba puchuk kayu din.


Burung bluejay sigi mayuh ba kebun entua aku. Siku tu tinggi puchuk kayu alai iya inggap.

Maya ka ngambar bluejay tu, aku enda nemu iya bisi pemakai ba mulut iya. Nama enda utai dipanggum iya nya!

Tu sebansa pipit digambar ba Ace nursery. Mayuh endar burung nya ba nursery tu laban bisi diengkah utai dempa burung dia. Rindu amat aku meda


Siku tu, rock dove, genung genung meda aku ngambar iya. Jinak amat, semadi aku mansang semak nya baru iya terbai.

Kami menyanak bisi bejalai ka Pismo Beach enggau Shell Beach .. semadi ka nganti jam chukup makai Thankgiving meal. Ba tisi tasik endang sigi tansang burung tasik baka seagull, enggau pelican.

Dia alai mensia, dia ga alai burung achang. Minta pemakai meh iya nya! Tang orang mayuh dipinta anang meri sida burung pemakai, laban riri sida alu nutu alai orang mayuh .. tai burung enda ibuh sebut!


Peda gamal pelican tu! Nadai ibuh ka orang mansa dia, nadai ibuh orang ngambar iya ... relek aja iya dia!

Ba rumah aku ditu, burung sigi bisi tang enda ngemayuh maya aku ka ngambar sida kutai. Hari diatu mupuk chelap. Pun musim gugur kutai endang maya burung baka ka digambar aku maya nyin suba. Burung woodpecker ti alu enda ulih digambar semak!! Meda kitai alu terbai ... mayuh endar sida semak rumah aku ditu.

Lagi asai nuan, woodpecker!