Penyelap demalam baruh ari 0° Celcius. Ai enggau embun ba tanah meku magang. Maya aku nganjung anak nurun sekula pagi tadi penyelap hari agi -1° Celcius.
Ba endur kami ditu bisi berapa hari aja dalam setaun hari chelap baka tu. Nya meh demalam Doug mai sida pasu dragon fruit ngagai lindung enggau masang lampu semak nya enggai ka pun dragon fruit iya mati laban chelap. Bala orang ka bisi kebun buah orange sigi enda rindu pan hari chelap bakanya. Rusak buah orange gasak frost.
Sida pun bunga aku ba depan rumah aku nya nadai penyadi .. sigi mati laban chelap.
Lebuh aku ka ngambar sida bunga ti dibalut ais, burung hummingbird siku bisi ngetu ba hummingbird feeder kami. Kasih tudah, ka nginsap sirap dia, ni nya bisi agi. Enti bisi nadai meh iya ulih nginsap .. tentu meku ai sirap dalam nya. Udah nya aku alu ngisi ai sirap baru dalam feeder nya .. engka tak bisi datai baru .. enggai aku muai peluang ngambar hummingbird nutu feeder aku nya!
Memunyi ga siku burung ti inggap ba tali karan depan rumah aku. Enda aku ngelala burung nya mina tampak terang aja dada iya ba panas.
Pagi kemari asa asa ati aku ka meda salji turun ba menua Galt!
Iya ga ramalan cuaca madah 100% peluang salji bisi turun ba menua kami. Dua inchi, kenu. Ni nya bisi! Salji jarang turun ba endur kami ditu. Taun ka penudi endar iya bisi turun dalam taun 2002. Aku nadai meda pan taun nya. Dalam taun 1976 kelia bisi turun salji penebal 2 inchi ba tanah. Ba bukit din enda ibuh sebut - ukai inchi penyampau salji ka turun ... 2 -3 kaki salji ka turun kemari! "Come, let's see the snow", ku Duncan. Ila meh, nganti kemisi sekula maya Krismas tu lagi.
Ris, tu cerita lain nadai bekenanan enggau gambar nuan. 2 weeks ago aku bisi ke Miri and aku bisi pegi ngagai Hua Sun Green Herbs Therapy laban Jane introduce nya nagai aku. Di baik aku Endu and apu nyamai enda asai tubuh udah di adu ke iya tulang belakang. Enti nuan bisi ke Miri anang enda kia ke nuan. Dr. nya madah laban tulang kitai bisi bekinsit (misaligned) and compressed kitai empu urat, nya lah tumbuh kitai selalu pedis laban poor blood circulation. Rgds, Setoa.
ReplyDeleteTa, maya aku di Miri tu tadi nganti menganti ka cina ari Taiwan (chiropractor) .. alu bedau datai iya maya nya ... alu enda. Nadai ga Jane madah ka aku pasal Hua Sun Green Herbs Therapy .. mina iya bisi madah pasal tukang urut siku alai laki iya selalu pegi. Engka baru nemu iya. Kin meh aku enti aku ka Miri ila.
ReplyDeleteDiatu nadai agi asai tubuh aku ke pinta urut laban berasai lempong and enda asai lelak. I recommend you to go. Enti aku madah ke enda pedis bula ga aku. Memang something good mesti lah bisi pedis mimit. Ari jari kitai iya meda penyakit kitai. Tapi benong kitai makai medication iya kitai bisi berpenti utai dempa lah, e.g. Angsa, Telor itik, rebung, tauhu, udahng, ketam, pulut, keladi and beef. Apu ney enda tahu makai roasted beef may christmas tu or shepherd pie...rugi eh.
ReplyDelete