Tumu mimit kami menyanak nurun sembiang Christmas Eve demalam laban kami duai Doug nulung sekeda orang bukai ngelaluka penatai orang ka bisi nurun sembiang pukul 7.00 malam nya. Rami amat orang peda aku tang taja pia, rami agi orang ka datai sembiang pukul 3.00 p.m. enggau pukul 5.00 p.m. lemai nitihka ditusui bini pastor.
Kami menyanak endang udah tumu makai sebedau kami nurun sembiang demalam, tang lebuh ka pulai sembiang tak lapar baru perut! Nya meh alu nunu garlic bread ti dempa enggau smoked salmon.
Krismas taun tu aku nadai manggang manuk kuluk. Agi bisi asai ba nyawa manuk kuluk ti dempa aku maya Thanksgiving bulan nyin tadi!
Kemari aku ngasuh Doug ngetu ba pasar meli kaki ketam, kerang, oysters enggau salmon steaks ... tang tengah hari Krismas tu, perut mina ka makai ketam enggau oysters! Berentak aku makai ketam enggau oysters!
Oysters meli ka muntang, iya ka dalam butul. Doug udah tumu madah iya mogok enggai mela oysters ti agi dalam kerubung! Amat mayuh endar pengawa ngupak kerubung oysters!Bisi mega nyendia crackers, cheese, enggau guocomole dip tang enda ditegu aku! Sida kerang enggau ikan salmon galau aja ... enda alah agi!
Kasih bala anak laban nadai mayuh presents taun tu. Mina dua iti siku ... iya ga aki-ini saduai enggau aunty saduai mina meri duit. Gaga saduai ngenang diri ka shopping milih ayam ka diri empu!
Arapka kita bulih berkat ari Tuhan kitai, ti ada ngambika ngelepas kitai mensia, musim Krismas taun tu!
Oh kasih. Udah mereti amat suai menyadi tu. :D Hepi udah bulih $$ andal ati dibai shopping. :D
ReplyDeleteNya meh, kasih! :-) Apin nemu complain saduai iya! Asal bisi nerima utai, gaga amat saduai.
ReplyDeletemereti anak nuan & sigi gaya anak "sangkut darah" Iban, nda pia..haha!! & also ari penemu u & husband - especially Indai lah laban cda spnd most of their time wth their Kids!! 2 iti siko, maioh meh nya & as long they happy around the festival! ngi kami, uhhh ngelu pala kekadang ukai anak nya, family entua - demanding ko aku, haha... At anyhow, ngintu ba bansa kitai cukup pengerindu & pngaga ati begulai enggau diri sebilik & ukai bprecent..precent (bala anak kira ok lah)!!
ReplyDeleteAkai nyu entua ka minta present, pia?! Heheh, aku nadai meri present ngagai entua tang entua bisi meri ang pow! Best amat entua aku!
ReplyDeleteBisi diberi $25 siku saduai ari aunty sida. Nya meh puas Daddy bai bepusin enggau saduai milih present ka diri empu! Nadai endar ga utai dipilih! Amat nadai mayuh macham utai ti ngerindu saduai. Ma minta utai ka canggih agi, sebut nuan "mar!" enda nyadi orang minta. Heheh, nemu reti utai mar!
haha...ukai ko enda! eg. "well, tu nyah maioh macam discount bulan tu...bla..bla..bla, nti enggai meri precent, org/kitai tau meri Holiday voucher (reasonable price lah)..baka tu deh & nya meh reti advertisement tu, tang kami duai dad's nda ko raun lah" ko org ngelagu jako & meri signal, ku nyau nda bmunyi & narit seput..hehe. tang nti ngau menantu ya siko nya...engketut... amat manah meh entua ku tang meh bisi maia ya ngasuh ati geram.... stressssss...hehe
ReplyDelete