Demalam sekula bala anak bisi ngatur Christmas Program. Laban sekula sida nya mit, tiap iku nembiak bisi enggau program nya.
Bala sida nembiak Gred 1, anang enda enggau ngeruh ai aja .. sekeda nyu ngeriut mua .. belagu pan enda .. semadi aja jenuh bediri ba pentas! Duncan naka lagu ka temu iya bisi mulut engkebut, ni ka enda temu leka enda memunyi iya. Umbas iya ga pemanjai program sida nya demalam.
Siti aja hal demalam .. microphone enda berapa; kadang kadang dinga kadang kadang enda nyawa bala nembiak ti belagu solo. Dua iku nembiak dia landik endar dinga aku, bisi endar bakat belagu.
Principal sekula sida nyadi conductor musical nya demalam. Principal sida nya sigi bisi music degree, endang landik.
Aku nesal enda mai kamera ka manah agi. Udah mupuk baru tingat kamera manah enda dibai. Nya mata bala nyu baka mata batu!
Sekeda apai indai ti gagit amat, tumu datai laban ka duduk ba mua alu ngambi video. Manah amat ga pikir baka nya! Enggi kami video recorder bisi tang enda dibai laban bateri enda entu manah agi. Taun nyin ila lah ...Ujung minggu tu lagi gereja kami bisi ngatur krismas program bala nembiak Sunday School. Denice saduai Duncan nadai enggau orang laban aku ka enggai kiruh nganjung saduai enggau orang pritis!
Best eh, wish that my girl ulih join prugrim bekenya ba skulah, hmmmm.... nda berasai dah ka abis tahun tu neh Dor?
ReplyDeleteGagit amat Gabby enti bisi Christmas program bakanya! Tentu one of the soloists! :-)
ReplyDeleteAmat jampat taun abis sepi aku pan. Bala anak start 1st grade in the last quarter nya ti ngasuh iya jampat amat ... all kinds of school work mesti keep up with!