Ari kemari bala anak kiak kiak ngasuh Daddy masang dvd player ka baru dibeli. Nadai hari, ku Daddy nganu saduai.
Pagi tadi nyu aku tukang pasang - nasib ga nadai pedis! Aku tu ukai bansa ti ka bepeda ka manual sebedau masang utai, tang nasib ga manual nya bisi gambar, alu nadai mayuh utai disambung!
Saduai tu enda milih utai dipeda, video ka dikerindu tau berapa kali meda, enda nemu leju.
Udah nya aku alu masang DVD player/recorder & VHS combo ba tv ba ruang tamu. Tu nyamai agi masang. Siti aja HDMI cable ti dikena. Udah nya kena ngetest main cherita kartun Zorro (VHS) ka bala anak. Gaga orang. Beturut iti video dipeda!
Lebuhka enda enggau bala anak meda video, bepeda ka bup resipi ka dibeli aku kemari. Akai, rindu amat meda gambar utai dempa dia!! Besemangat asai ka nguji! Tak enda pedis gamal manduk utai dia!
Tang ukai resipi ba bup nya ti ka diuji aku dulu. Aku ngasuh Doug ngetu ba supermarket cina lemai tu tadi, meli babi kena ngaga babi panggang. Lemai tu tadi aku bisi tetemu ka resipi babi panggang, baka babi panggang ka selalu dipeda kitai begantung ba kedai kupi cina! Nah, pagila baru aku ngaga babi panggang nya!
Bah, udah lapar asai perut aku ... ka makai agi!
Amat nyamai babi panggang ke di gantung bala cina bak kedai makai. Crunchy kulit, udah aku kala nguji ngaga ia..nyadi ga.
ReplyDeleteEnti enggi nuan udah nyadi, pantai ke gambar au serta resepi ia sekali.Ni nemu engka tak lain kini resepi ia.
Merry Christmas.
lysther, lagi aku ngambar babi panggang aku!
ReplyDelete