Sahari tu aku, dua iku indai bukai, enggau dua iku pengajar, ngulu bala nembiak sekelas enggau Duncan nemuai ngagai Arbor Place. Tempat tu iya nya nursing home (private) alai orang ka tuai enggau enda entu pengerai diau. Siku ari orang ka diau dia pangan Mrs Grave, siku ari pengajar sida Duncan.
Bala nembiak mantai ka lagu gospel enggau lagu Christmas. Udah nya sida alu bekunsi ka cathecism ti udah dipelajar sida. Aku pan sama tekenyit enggau bala orang tuai ka diau ba Arbor Place. Amat ingat endar bala nembiak ka utai dipelajar sida! Siku ari orang ka gawa dia madah diri pansut ai mata ninga bala nembiak belagu enggau mansut ka utai ti udah dipelajar sida.
Rindu amat aku ngenang pengawa/program ba sekula sida Denice & Duncan. Sekula nya ukai mina beberat ka pelajar tang beberat mega ka pengarap Kristian, enggau program ti tau ngemansang ka penemu baka pengawa ti dikerja sida sahari tu.
Enda lebu asai nganjung bala anak ngagai sekula nya.
No comments:
Post a Comment