Makai Pagi

Sekumbang kami udah datai ba menua Miri tu, nyu ninting pagi kami duduk ba kedai kupi makai sida mee, ngirup kupi tauka milo peng.

Tiap hari dua, hari empat enggau hari enam apai aku "betuchi" ba Miri Dialysis Centre. Sekumbang aku bisi, aku tukang anjung, alu kami ngetu ba kedai kupi ba Pujut 7 dia, ngirup sereta makai dulu sebedau mupok ka Dialysis Centre.

Duncan makai wontan, favorite iya. Denice kekadang ka kekadang enggai makai mee kolok. Tang ngirup milo peng enda tau enda.

Wontan champur, favorite aku. Bisi kedai cina ba Lutong ditu, nyamai wontan champur sepi aku laban mayuh sirap lia dichampur iya ba wontan nya. Tang rega utai ba kedai kupi iya mar agi ari kedai kupi bukai. Enda kira, laban lama udah tenguk!

Pagi kemari aku betemu enggau pangan blogger aku siku, nembiak cina. Rindu aku makai ba tempat tu ... aku enda nemu nama tempat tu, enda ingat berati ka nama iya, tang semak round about antara Piasau enggau Krokop alai iya. Beresi tempat nya dia, tambah mega parking enda bebayar.

Duncan enda tau meda indu dara, alu diloyar iya. Bendar meh iya ngeluyar sida indu Iban ti malit sida pinggai ngimbai mija kami. Chukup macham meh utai ditanya iya ari sida, alu chukup macham meh utai ditusui iya ngagai sida datai ka nyerita pasal anak mayau iya.

Minggu tu, schedule apai aku betuchi bisi betukar mimit laban iya bisi betemu enggau lutur pakar ba spital. Sahari tu iya betuchi laban kemari iya betemu lutur pakar. Makai ba kedai kupi di Pujut 7 dulu meh kami lagi sebedau ka Miri Dialysis Centre.

Utai didinga ba rumah ini

"Mommy, what is that smell? It smells like rotten egg!" ko Duncan nanya lebuh nyium bau ti pansut ari dapur ini. Ini benung nguring ikan masin pari. Ukai nya kala nyium teluk buruk tang ma utai bebau teluk buruk disema!

***

"Mommy, when I grow up I don't want to be a smoker." Duncan enggai nyium bau insap uncle Bonnie iya. Uncle Bonnie ngumba laban nginsap dalam rumah enda ngira orang ka enggai nyium bau insap!

"Good Duncan, cigarettes are nasty! You don't want to be a smoker!"

***

"Mommy, my back hurts."

"How did you hurt your back?" alu murus senentang belakang rekong Duncan aku. Paduhal sier ba belakang rekong kelalu balat digaru ni enda nyu telih isi.

***

"I like that movie, Mommy."

How many times have you watched it?"

"Three times. I want to watch it again tomorrow."

Kena ngerindang bala anak aku bisi meli video Barbie dikumbai "Thumbelina" enggau video "Monsters Vs Aliens". Video cetak rompak lah ...

"I thought you don't like Barbie movies?"

"No, I like this one. It's so pretty. I like her."

Nah, anak laki aku nya, selalu madah diri enggai meda girl movie, tang ma udah dipasang sama gian baka menyadi indu iya!

***

Agi jet lag kami menyanak tang pama agi. Pukul 6.00 pagi kami menyanak endang udah pansut ari bilik tinduk alu masang TV. Udah mandi, kami alu nurun ke pasar makai mee. Tiap hari meh kami tu ngirup sereta makai mee di pasar.

Nya meh pengawa kami sekumbang udah datai di menua Miri ditu. Nyamai endar! Mina kemari angat endar hari sepi aku. Ma udah ujan nyamai ka asai hari.

Naka tu dulu. Bala anak minta digaga ai Milo enggau peanut butter jelly sandwiches. Lapar perut bala anak laban ka tumu dani!

Funner

Seberai market ba pasar Lutong bisi siti taman mit alai nembiak tau bemain. Duncan ari kemari udah mai aku kia laban ti ka bemain dia tang aku ti enggai laban agi lelak asai tubuh. Pagi tadi ngetu enda lama kami ba taman nya, udah bekau kami ka ngirup enggau makai mee ba kedai kupi semak dia.

"This swing is funner than our swing set back home," ko Duncan lekik lekik ketawa laban gaga. Ni enda "funner" laban tinggi ayun nya dibai iya. Nyu bepeluh diri saduai beranda kin kitu bemain ka ayun enggau slide ba taman nya.

"I am tastier when I sweat," ko Duncan. "The mosquitoes love to bite me!" sambil begaru ka lengan enggau kaki. Ukai nya nyamuk ka ngasuh iya gatal! Isi iya ka seir laban panas enggau peluh ba menua ditu!

Ngasuh aku mai saduai ka tasik meh Duncan. Aku bedau ka mai saduai laban agi lelak tambah mega hari selalu bemua ditu. Enggai dipangka kilat enti salah hari bulan!

****

Sida Lyana menyanak udah datai di Kuching dia. Kami duai udah beSMS pangan diri. Aku nganti bala kita ka di Miri, ti ngelala aku ari blog tu, mai aku betemu enggau kita ba kedai kupi!

Jet lag

Jam diatu pukul 6.27 pagi, pagi hari empat. Bala anak benung meda Disney Channel laban leka mata udah pelik pelik ari jam pukul 3.00 pagi tadi. Nyu enggai agi kasak kasak atas katil, nya kebuah pansut ari bilik tinduk alu masang TV.

Merinsa endar ga gasak jet lag. Lemai kemari bala anak tinduk ari pukul 3.00 lemai datai ka pukul 7.00 malam. Ni mata ka tinduk tumu enti baru dani! Aku gali tengah hari kemari, tang enda ga lama mata nya tinduk.

Labanka enda chukup tinduk, pala nyu asaika sebening. Ulih ga ditat lah .. pama hari ditu enda entu angat, bisi ujan mimit. Enti enda, sigi merinsa amat asai isi!

Udah datai

Nyamai endar asai ati laban udah datai di menua. Lelak endar isi sepi aku. Kami datai ba KLIA on time tengah hari hari dua, alu sereta datai din kami alu nepat Airside Transit Hotel ba International terminal di KLIA .. semadi nganti jam kami angkat ka Miri pukul 8.40 malam nya. Bisi ga alai mandi enggau tinduk enda lama.

Duncan saduai Denice nadai bukai pengawa. Meda TV sepemanjai jalai, semadi aja tinduk. Aku geli ati ninga Duncan complain sereta tama dalam bilun ari KL ka Miri. Ni TV, deh, ko iya nanya air stewardess. Enda rindu aku nepan bilun tu, ko iya ga agi. Gamal ti ka meda TV! Pejam mata alu tinduk datai ka bilun terangkah di Miri.

Penuh bilun ari KL ka Miri. Hand carry luggage aku diasuh check in laban takut nadai alai ka orang bukai. Isssh, begedi amat. Nasib ga bisi shopping bag ti bai ari San Franciso. Dalam beg kertas nya meh alai nyimpan sida jacket enggau netbook.

Aku geli ati amat meda orang ari Health Department ti ngipa orang baru datai ba padang bilun Miri. Nyu bekena ka shower cap, bepasang ka tuping, bekena ka gaun ... apu, raya nya, ko ati aku. Laban kami ka datai ari US, alai ti sigi bisi penyakit H1N1, tepaksa ka diambi orang temperature. Nasib ga nadai fever!! Sapa ka dikarantin orang!!

Demalam jam nyu ka pukul 3.00 pagi baru aku nganjung diri tinduk. Muai jam dulu, ngiga internet connection!!! Netbook aku enda ulih nangkap free wifi ari bilik kami tauka ari ruang tamu kami. Nya meh aku kalat kalat ngiga alai ti ulih nangkap free wifi signal! Apin nguji ba patio diluar dia. Ngarap ka ulih dia lagi. Tang siti aja aku enda rindu ... mayuh nyamuk diluar dia!

Pagi tadi (hari tiga) tumu bala dani. Udah mandi, begari alu mupuk ka pasar. Nah, duduk ba kedai kupi, maka wantan special enggi aku, mee soup enggi Denice, alu wantan sup ka Duncan. Bedau datai sida mee enggau wantan, milo ais saduai dah lengis! Nyu enda teranti! Aus, ko saduai.

Sahari tu aku nginjau Celcom broadband modem menyadi aku. Pama meh. Tau endar dikenyadi.

Naka tu aja dulu. Ila nyambung cherita.

*Date ba blog post aku dudi sahari laban ti agi ngena pacific standard time!*

Cherita Dalam Bilun

Boring amat dudok ba bilun nadai entu pengawa. Mata ka endar asai tindok tang tubuh ka enggai dibai tindok dudok! Aku sigi jeles amat meda bala nyu bekuruh tindok dudok!

Wayang ba inflight entertainment sigi manah manah tang pala ti ka angul mimit, enggai entu dibai meda wayang. Bisi apai tuai cina siko dudok depan aku ..ka meda wayang tang enda nemu ngena remote. Ujung ujung aku tu meh tukang milih wayang ka iya! Aku recommend Grand Torino ngagai iya. Manah, ko iya udah wayang nya abis. Wayang kedua iya empu millih, aku mina nulong nekan remote ka iya. Tambi siko dudok sepiak aku baka nya mega. Enda nemu ngena remote! Aku ka ngerajin diri nulong iya! Kasih ga meda sida ka enda nemu ngena remote TV dalam bilun, neh!

Bala anak mina tindok 3 jam, udah nya alu bepasang ka TV. Duncan sereta tama dalam bilun alu ka milih wayang. Inflight entertainment apin start iya udah beterauh ngasuh masang TV! Nyu begetil, ngasuh iya tindok. Ni enda jam udah pukul 2.30 pagi .. aku lelak, tang iya agi besai leka mata.

Aku enda nemu kati ko bala kita, tang aku ma udah dalam bilun, burit ka endar asai bira! Haha. Ukai mina sekali dua, nyu tiga empat kali, keba! Maya turbulence, fasten seat belt sign pan udah on, kapa peduli, nyau nganjung diri ka jamban! Nganti bilun enda entu bangat iga beguyang lah angkat ... nyu dilara flight attendant, ngasuh pulai ngagai penudok. Emergency, ko aku!

Namahal jam lubah amat ma udah dalam bilun neh? Enti dirumah enda berasai jam, alu apus hari. Dalam bilun, akai, nyu beritung ka jam! Baru setengah jam, pia? Apu, ni maya tu datai?

Pengelama dalam bilun ari San Francisco ke Hong Kong 13 jam setengah. Nyu sekali pusin jam, apin ga datai! Ari Hong Kong ka KL, kira ka 3 jam 50 minit. Semadi ka pulai ke menua meh kebuah ka ngetat pemerinsa dudok dalam bilun ngelama tu! Enti tak mindah ngapa, kapa ngemerinsa ka diri!

Gigi Denice nyu bekerak bai orang makai orea cookies!

Diatu kami menyanak benung nganti connecting flight ka KL. Kami datai ba Hong Kong urung pukul 6.15 pagi, pagi hari dua. Agi tutup kedai bebas cukai. Hari pan benong ujan ba Hong Kong tang enda bangat.

Enda teranti ka datai ba rumah apai indai aku! Tengah malam lagi baru datai laban flight kami pukul 8.40 p.m. ari KL. Agi panjai hari!

Mupok

Kami tiga menyanak diatu benong dudok ba departure lounge ngantika dikangau tama ka dalam bilun. Agi lama - kiraka 3 jam agi. Panjai malam tu! Pukul 1.30 pagi lagi baru bilun nya angkat.


Maya kami datai ba airport tadi check-in counter apin buka. Meda nya agi tumu kami alu dudok makai mee.

Enda berapa Father's Day taun tu. Nyu beturut malam makai mee!

Begedi endar aku tadi laban hand luggage aku kena timbang! Tepaksa Doug minta shopping bag ari kedai Brookstone ngambika bisi alai nyimpan sekeda perengka ka dibantai ari hand luggage. Ngelama tu nadai kala ditimbang hand luggage. Nyu kiruh kitai berangkutka beg lebih!

Kasih endar bala anak, sinu meda Daddy enda enggau. Ujung bulan tujuh tu lagi baru Doug datai ngambi kami.

Akai dai! Lembau ngenang diri buntau dalam bilun lagi! Ni iya gasak anak ka enggai jenuh!

Tat aja laban ti ka pulai ka menua.

Selamat Hari Apai

Lemai tu tadi kami menyanak ka makai ba restoran Rice Bowl kena ngintu Father's Day kenu, tang lebuh kami datai din, meda car park penuh. Tentu bisi orang kawin tu! Sigi amat. Balat ga pemesai party orang nya. Nyu nadai alai ka orang bukai. Selalu iya taja bisi orang rami ba restoran nya, bisi ga alai orang bukai ti ka makai laban bisi dipartition restoran nya.

Ujung ujung nyu ngagai tempat siti dikumbai TK Noodle. Asa asa ati ka makai sida oysters ba Rice Bowl, nyu makai mee pengujung iya. Enda ngenyamai mee kolok kitai di Malaysia! Aisey, enda teranti dudok ba kedai kupi makai sida mee, sida wantan special hari tiga tu lagi eh!

♥ ♥ ♥ ♥ ♥ ♥ ♥ ♥

Happy Father's Day, Daddy!

Selamat Hari Apai mega nuju apai aku ti dikesayau. Aku baru udah telipun ngagai iya alu meri iya Selamat Hari Apai. Arap ka iya diberkat Tuhan enggau pengerai enggau umur panjai.

Angat!

Angat!

Kami tiga menyanak baru pulai ngambi duit ari bank, udah nya ngagai supermarket siti ti nyadi agent Western Union ... ngirum duit nya, udah nya tama van baru alu ngagai library mulai bup siti.

Kati enda angat ... van nadai air-cond alu bala anak enda ninga ka jaku!! Ba supermarket, belumpat laban ka nyengkau sida pinata begantung ari ceiling, udah nya betendang ka ball, udah nya beambi ka slippar jepun alu minta beli .... Nyu begetil ka pending laban ka enda ninga!!

Datai ba library .... betekan ka water fountain ... kuang kuit ... agi aus, kenu. Udah nya beambi ka bup ngasuh nginjau ... Nadai ulih nginjau bup laban ti ka pulai ka Malaysia.

Enti tak ngasi bala anak nyau alu ngetu ba MacDonalds makai ais krim. Kapa, udah panas!! Terus pulai!

Aku ka

Aku ka pan ngaga kerita aku baka enggi siku tu. Tang enggi aku, gamal aku duduk atas beach towel ngena thong bikini. Kapa orang abis belantak malik meda kerita aku mansa!

Dua kali malik, pei, indai tuai orang!! Kumbai indu sexy kenu dalam kerita!

Tenggak Bunga

Gladiola ba kebun aku udah bebunga. Bisi ga sekeda apin bebunga dia. Rindu amat aku meda laban mayuh macham kaler kelebih agi lebuh kesulai enggau humming bird bisi nutu bunga gladiola nya.

Laban dan bunga gladiola nya panjai sereta berat, nyu rebah ga iya.

Siti aja aku enda rindu pasal bekebun. Ngelusu mantun rumput ti sama tumbuh enggau sida bunga! Kemari nyu ragau ragau tedah Cory ngentun rumput ari kebun bunga aku nya. Ko iya, "Sigi pengawa aku, anang irau nuan!"

*****

Marik tenggak ka bebunga tu dikumbai lampwork. Bala ka enda nemu pasal chara iya digaga, tekenyit ninga rega marik lampwork. Marik tu digaga ngena jari siti siti sekali udah nya disimpan dalam oven, nya kebuah rega iya mar.



Marik bukai ka dikena ba tenggak tu iya nya swarovski crystal. Kada bisi 2 taun aku udah meli marik tu tang baru pagi tadi ditusuk. Manah?


**Rosaline, bisi meda tenggak tu nuan?**

Buah Plum

Taun tu pun plum kami galak amat. Taun dulu, enda nemu kebuah, nadai entu bebuah sida pun buah kami. Taja sida pun buah enda dijarau maya musim chelap tu tadi, pama ga pengalak sida pun buah. Kami bisi nanam pun buah epal, buah apricot, enggau buah pear. Bisi nanam dua pun buah persimmon tang enda nyadi.

Plum ka ulih dijengkau, dijengkau. Tang iya ka tinggi enggai nyadi enda ngena tangga ngumpul buah. Sida burung rindu amat makai buah, alu enti enda digumpul jampat, nyu belubang iya ka mansau gasak sida burung.

Laban pun plum nya kelalu galak nyu enda entu besai buah iya. Enti ka buah iya besai, buai sekeda buah maya iya agi mit. Bansa ka ditanam kami tu ukai bansa ka manis amat. Tang ma iya mansau manah manis ga iya sepi aku. Juicy and sweet. Mina kulit aja bisi masam.

Enti bisi ngebal, makai plum mayuh mayuh! Gerenti bisi insur!

Kristal! Mari, mari!

16 mm cosmic swarovski crystal AB, 10 mm round swarovski crystals, sterling silver caps, sterling silver saucer spacers, pear shaped and round natural pearls, 5 mm bicone crystals, and sterling silver findings.

8 mm cube swarovski crystal silver shade, 8 mm round swarovski crystal silver shade crystals, 8 mm platinum swarovski pearls, 5 mm cream rose swarovski pearls, 2.5 mm sterling silver round beads, and sterling silver findings.

16 mm cosmic swarovski crystal silver shade, 8 mm round platinum swarovski pearls, 8 mm crystal silver shade roundells, 2.5 mm round sterling silver beads, and sterling silver findings.


*Rosaline, nah tu gambar sekeda tenggak digaga aku! Padah ngagai geng nuan!*

Mayau & Marik

Mayau aku bekena ka marik?! Apu!

Tumu saduai dani pagi tadi laban ti gagit bemain enggau mayau! Mayau alu dibai tama ke bilik. Nah, engka mayau tekenyit digerak saduai kini laban alu tekemi ba tanchut Duncan!

"What's the kitty's name again?" ko Duncan nanya.

"I thought you said "Nikki"?", ko aku ga.

"Nikki is her first name, Trouble-maker is her middle name, and Cutie is her last name!" ko Duncan. Apu, balat endar nama nya!

Enda lama lagi, "What's her name again?"

Kemari mayau nya enda diberi makai, kasih tedah. Ukai nadai utai dempa tang meda mayau nya enda ngiga pemakai alu enda diberi . Pagi tadi nyu engkiau iya, engka lapar ko aku. Diberi pemakai alu beguai iya mansang. Paduhal lapar tedah.

Maya kami pulai sembiang tengah hari tadi, meda bisi bekau iya ba litter box. Mmmm, manah meh nya nemu nganjung diri ngena jamban iya empu!

Duncan saduai Denice sereta tama dalam rumah alu diberap mayau alu dibai tama ka dalam bilik saduai. Enda lama udah nya, alu madah ka mai mayau nya pansut.

Paduhal dibai saduai go for a walk mayau nya! Nya meh anak mayau betitih ka saduai bejalai ba driveway depan rumah kami. Ukui orang sepiak nyu begau diri meda saduai enggau mayau mansa. Amat baka anak ukui mayau nya betitih ka Duncan sebelah tanah! Geli amat ati aku!

Pagi tadi, tumu Doug muka pintu enggau jendela rumah. "My chest can feel the presence of a cat in this house." Iya sigi allergic amat ka cat dander. Ma iya udah megai mayau iya enda tau negu mata iya. Alu berai sereta mirah! Ma udah kelalu balat diexpose enggau mayau, seput pen nemu sendat! Nah, sigi enda ulih mayau nya diau dalam rumah. Diatu mayau nya agi mit, bedau ka ngasuh iya diau ba luar. Ni alah dempa jelu liar tauka digasak mayau laki orang sepiak kami!

*****

Lemai kemari aku bisi telipun ngagai ipar aku siku. Kutai iya bisi mesan ngasuh aku mai sida marik crystal. Meda orang udah mesan, ngorder lah aku sida marik crystal nya tadi. Kiraka US$ 200 ungkus crystal diorder aku.

Maya aku ka bejaku enggau ipar aku, aku alu nanya .. gelang tauka tenggak ti deka iya enggau bala kawan iya? Aku alu madah enti tenggak enda kurang ari tu (disebut aku rega) rega iya.

Apu, mar ga! Enti mar enggai bala meli! Enti mar, manah meli emas ko orang lagi, ko iya ga.

Enti takut mar, enda ibuh bekena ka gelang enggau tenggak swarovski crystal ga kitai. Endang udah rega iya. Enggai nyadi dijual murah agi laban pekekas iya sigi mar. Uji abas kedai emas, meda rega sida antin enggau gelang pirak enggau swarovski crystal. Sigi mar, apa agi crystal dikena aku endang saiz ka besai besai. Manah aku ngorder ba tempat rega borong. Enti meli ba kedai lebih dua kali ganda rega iya.

Ni bala kita ka ngorder gelang enggau tenggak swarovski crystal?

Anak Mayau

Aku tekenyit pagi tadi meda Doug mai anak mayau pulai ari pasar. Aku enda sedar Doug bisi ka pasar ..... ngiga spare part kena ngadu kerita ko iya.

Aku kala nyebut Doug nya allergic to cats. Nya ti ngasuh aku tekenyit meda iya mai anak mayau pulai pagi tadi. Tambah mega aku bisi nyebut enggai nupi mayau dalam rumah, laban enggai gasak bulu mayau sebelah furniture. Tang, ko Doug, ma mayau nya udah besai mimit, asuh diau diluar.

Bala anak enda ibuh sebut. Nyu tunsang anak mayau ka diberap Duncan! Aku ka nangi anak mayau abis kena indik lebuh mayau ka betitih saduai!

Terubah iya takut meh Denice ka anak mayau nya, taja iya madah mayau nya cute. Tang udah puas meda Duncan beberap ka mayau nyu ka iya murus mayau nya.

Nya meh kami bebeli ka cat food, bebeli ka litter box, bebeli ka cat litter ... ni alah mayau kemi enggau bira sebarang alai!

Maya Doug ka dipasar pagi tadi, bisi orang bediri ba mua pintu supermarket enggau enam iku anak mayau. Endang pengawa orang ditu, ma enda ulih ngintu mayau ngemayuh nya diberi ka orang .. ngipa orang ka supermarket, nigcha ka bisi orang sinu meda anak mayau alu mai siku dua pulai.

Kira ka sinu meh Doug meda sida anak mayau .. nya meh mai siku pulai laban bala anak bisi udah madah sida ka nupi ukui tauka mayau.