Graduation

Denice saduai Duncan udah graduate ari kindergarten. Woohoo!

Tu gamal decoration enggau kek maya graduation lemai tu tadi.

Bala anembiak kindergarten bekena ka gaun tang siti ari tupi besegi empat nadai temu tunga. Enggai nyadi siku ari sida enda betupi alu orang bukai betupi magang. Ujung ujung enda nyadi ngena tupi.

Aku bisi ngambi video tang rugi amat asai aku laban memory card ba camera aku enda chukup kena ngambi semua utai ka nyadi lemai tu tadi.

Tu gamal sijil ka diulih saduai ... siti diploma kindergarten, siti sijil kepujian.

Tiap iku nembiak ti graduate ari kindergarten nerima gambar dalam frame ari cikgu sida. Manah endar ga frame enggau gambar nya.

Lemai tu tadi lebuh Duncan minta beli kad ngambi ka bisi diberi ngagai cikgu iya, iya alu nyabak. Sinu ngenang pagila hari ka penudi sida ba sekula nya. "I will miss my teacher", ko iya. Iya sinu mega ngenang nadai siku bala classmate sama sekula enggau iya taun baru tu ila. Aku pen nyau sinu meda iya nyabak. Sikuk sikuk tedah nyabak.

Semadi ngingat pagila sida bisi party ba sekula nya baru badu. Aku bisi meli piñata laban Duncan minta piñata maya birthday iya tu ila. Birthday iya bulan tujuh, maya kami di Miri ... dini bulih piñata din?

"I want to be the first one to beat that piñata", ko Duncan. Nadai meh bala cikgu ngasuh iya dulu. Bala nembiak ka mit agi meh dulu. Arap ka iya meh mechah piñata nya. Balat asa ati iya enti nembiak bukai dulu mechah piñata nya. Dalam piñata nya sida gula batu, chewing gum, enggau chocolate. Nya ka diperebut bala nembiak lebuh piñata nya pechah.

Naka tu aja cherita lemai tu!