Peniup Daun

Ba sepiak tanah kami ditu bisi selirit pun kayu eucalyptus. Aku begedi amat enggau pun kayu tu. Daun iya selalu gugur, alu rumput penuh laban daun iya. Ma angin bisi niup patio ba depan enggau belakang rumah nyu tampak kamah gasak daun.

Doug suah endar udah nyebut ka nebang sida pun eucalyptus tu tang taja aku begedi meda daun iya, pun kayu tu bisi meri lindong ba rumah kami. Maya musim panas, beguna amat lindong ari pun eucalyptus tu.

Misin tu dikumbai leaf blower, peniup daun lah. Misin tu ngasuh pengawa meresi patio muntang agi laban enda ibuh besapu, mina ngena angin ari misin tu niup sida daun. Tang taja nya bisi misin bakatu nemu ga tulang lembau laban tak baru udah diberesi patio, alu bisi baru sida daun dibai angin ka bisi niup.

Pagi tadi meda misin peniup daun nya bisi ba patio depan rumah, nyu rajin ga asai. Ukai semina depan aja diberesi aku pagi tadi. Patio belakang rumah ti nyu kamah amat pen ampit diberesi. Pama ga mimit gamal iya. Baru ga dua minggu tu tadi Cory ka manchit patio belakang ngena ai. Munyi ko aku tadi, ma angin bisi niup tak enda lama sida patio nya tampak kamah baru. Ukai semina laban daun, ni iya pasir agi.

Aku ka bansa buruk tulang tu semadi nyu enggai agi mata meda baru mupok meresi.