Tiap hari dua, hari empat enggau hari enam apai aku "betuchi" ba Miri Dialysis Centre. Sekumbang aku bisi, aku tukang anjung, alu kami ngetu ba kedai kupi ba Pujut 7 dia, ngirup sereta makai dulu sebedau mupok ka Dialysis Centre.Duncan makai wontan, favorite iya. Denice kekadang ka kekadang enggai makai mee kolok. Tang ngirup milo peng enda tau enda.
Wontan champur, favorite aku. Bisi kedai cina ba Lutong ditu, nyamai wontan champur sepi aku laban mayuh sirap lia dichampur iya ba wontan nya. Tang rega utai ba kedai kupi iya mar agi ari kedai kupi bukai. Enda kira, laban lama udah tenguk!
Pagi kemari aku betemu enggau pangan blogger aku siku, nembiak cina. Rindu aku makai ba tempat tu ... aku enda nemu nama tempat tu, enda ingat berati ka nama iya, tang semak round about antara Piasau enggau Krokop alai iya. Beresi tempat nya dia, tambah mega parking enda bebayar.
Duncan enda tau meda indu dara, alu diloyar iya. Bendar meh iya ngeluyar sida indu Iban ti malit sida pinggai ngimbai mija kami. Chukup macham meh utai ditanya iya ari sida, alu chukup macham meh utai ditusui iya ngagai sida datai ka nyerita pasal anak mayau iya.Minggu tu, schedule apai aku betuchi bisi betukar mimit laban iya bisi betemu enggau lutur pakar ba spital. Sahari tu iya betuchi laban kemari iya betemu lutur pakar. Makai ba kedai kupi di Pujut 7 dulu meh kami lagi sebedau ka Miri Dialysis Centre.
dini kedai mi nyok?
ReplyDeletekedai mi ka bisi indu dara nya semak roundabout antara krokop enggau piasau.
ReplyDeletekedai mi gambar ba atas nya ba Pujut 7.
aisehhh..bajik memagang indu dara di loyar Duncan nyok!!
ReplyDeletemimit makai tadi, mayuh utai diati ka dipakai di pasar din! :-))
Hi Puteri& Lyana! Untung mat kitak menyanak udah datai di menua neh. Ti bisi ari tau ga lalu ngagai kami di Labuan ditu. Ti ka ke Labuan kitu ngiga aku, madi ga kitai bekelala. Lagipun nadai pengawa aku di rumah,laban te sigi surirumah sepenuh masa. Arak,coklat, insap segerit(nunda ko orang tuai) ngau kain sarung murah mat ditu. Tapi utai bukai malas ku ka promosi,laban rega utai bukai sigi mar gi ari kitai din. Ba E-Mart di Miri dia meh barang ke paling murah ya ke temu ku. Tu E-mail address ku, annajca2007@yahoo.com.my.
ReplyDeleteWah, kira ka kenyang meh nuan nya diatu! Aku tengah hari tadi mina makai bak chang laban agi kenyang ari breakfast pagi ba kedai kupi. Enggai kelalu majuh ... dah chukup buntu perut!!
ReplyDeleteAnna, lembau asai nepan bilun nemuai ngagai nuan di Labuan din! Ni nuan enda pulai ka Miri? Kitu lah ... ngambi ka bisi betemu enggau kami!
apuuu sedap amat mee nya peda aku! Nuh ingat ke diri nuh seminggu tu ke empai makai mee kampua tauka mee wantan aka pe'en sek (ko kami urang foochow/puchau :D
ReplyDeleteEndun, asai ka enda kala aku makai mee kampua tang enti ruti kampua nya kala. Rindu ga makai ruti kampua nya!
ReplyDeleteEnda ka minta mi nya seduai Denice & Duncan enti pulai ka US ila, Puteri?
ReplyDeleteBisi bebekal milo kitak din?
Flo, pen enda makai sida mi segera enti ba rumah. Ba restoran vietnam bisi ga mi kuning, nya rindu Denice makai. Duncan enda rindu makai wantan ba US din laban bisi undang ... iya enggai makai undang.
ReplyDeleteMilo bisi ba menua kami din, tang selalu agi ngirup hot chocolate enggau marshmallows saduai iya.
apo neh nyau lelenggau asai meda utai dipakai nya,amat best nya neh,,,,,,,,,,,,,,,,,,,,
ReplyDelete