Hari beganti hari, taun beganti taun. Tak enda berasai bala anak udah tembu kindergarten. Tu meh gamal saduai ba hari keterubah saduai dianjung ngagai New Hope Christian Daycare and Preschool. Umur saduai maya nya baru manggai dua taun. Empat taun saduai ba New Hope, ni enda Duncan nyau sinu ati ngenang diri enda pulai ngagai sekula nya agi.
Aku nyu enggau iya sinu ati ... a milestone in his little life. Pagi tadi aku meli 'Thank You' kad ka saduai ngambi ka bisi diberi ngagai sida cikgu enggau best friends ba sekula. Denice enda sentimental baka Duncan, muti nyebut, "I will miss my school".
Aku madah ka saduai, "You will make new friends at your new school." Nadai siku bala classmate enggau saduai ngagai sekula baru, Galt Christian School.
Sekula baru tu terit undang undang. Aku ka tusah mimit ati ngenang Duncan ... enggai ka hari hari diasuh bediri nunga dinding (kena ukum!) laban ti bisi ngelanggar undang undang. Meda baka, ko Doug. Enti tak pedis iya menyesuaikan diri dia, tau ga mindah iya ke bukai. Tang enggai enda nguji, engka tak tau mereti agi iya dia.
Berengkah meh kemisi musim panas taun tu. Hari minggu nyin ila kami tiga menyanak mupok dulu ka Miri. Doug nitih dudi laban enda ulih ngambi chuti panjai. Enti nadai penanggul kami bisi ngetu ba Kuching, kiraka tiga malam, udah nya ngetu ba KL, kiraka tiga malam mega sebedau kami pulai ka California tengan bulan lapan nyin ila.
Arap ka ulih betemu enggau bala blogger/pembacha blog lebuh ka di Kuching enggau KL! Anang enda madah diri!
Yay! Welcome home Puteri....
ReplyDeleteHow time flies by! Jedun mit aku meh enda berasai dah besai. Nya ngak enggau betundik, belaya enggau ketawa...keni tu, pegi toilet kediri enggai beteman.
ReplyDeleteContact aku maia nuan bisi ditu. Lak ka aku ulih betemu enggau bala family nuan. Ba Miri semina dipeda ari jauh.
ReplyDeleteEnti ulih, aku ka ngatur awak, ngambi ka ulih minta Mildred sebilik gempuru makai ba flat endor kami diau.
Nuan bisi contact number aku ?