Meli Beg

Ngalih hari tadi udah bekau sembiang hari minggu, kami terus ka Costco ngiga beg kena nganti beg ka bisi charik. Ko Doug, ba Costco bisi beg manah agi ari bansa ka dibeli aku ngelama tu. Ma utai manah rega pen manah.

Rindu ga aku meda beg ka dipilih aku tadi. Kulit iya tebal agi alu tan agi gamal ari beg ka bisi charik nya. Pemesai beg nya sebaka enggau iya ka charik.

Ari Costco kami bisi mega ngetu ba Joann laban Doug keran ka ngerepair beg ka charik. Agi manah, mina ka bisi charik mimit, ko Doug. Jarum ka benama "awl" nadai ba Joann tang bisi ba kedai nyual perengka sukan sepiak Joann. Ba Joann aku meli kain canvas kena nampal beg ka charik. Baru sekali dikena beg dua iti ka charik nya. Ni enda charik, jauh pejalai, alu berapa kali enda tama enggau pansut ari bilun lebuh ka mindah taun nyin kemari. Ukai nya tak bejimat orang ka ngangkat enggau ngeluar beg ari bilun. Dipalung sida, keba!

Amat munyi ko Lyana, ni alah meda perengka teberunsai ba conveyer belt lebuh sida beg dibantai ba airport! Aku kala pen meda perengka orang teberunsai ari beg ka pechah!